Aýyl sharýashylyǵy ministrligi Sý resýrstary komitetin basqarǵan Islam Ábish Kárim Másimovtiń sottalýyna qatysty pikir bildirdi, - dep habarlaidy Dalanews.kz.
«Jalpy júie qatty ózgergen joq dep oilaimyn. Másimovtiń ainalasyndaǵy adamdar tiisti organdarda otyrǵan sekildi. Másimov ustalǵan kezde tańǵalǵan joqpyn. Ol týraly aldyn ala biletinmin. Óziniń otanyn qaryzǵa batyrǵan adam. Premer-ministr bolyp otyrady, «oibai 2030 jyly jyly sýsyz qalamyz» dep ýlatyp-shýlatyp, úlken qarjy bólip, Qazaqstandy belshesinen qaryzǵa batyrady. Men sol kezde bul ekonomikalyq diversiia ekenin aitqanmyn. Óte úlken satqyndyq sol kezde bastalǵan. Sondai bolatynyn (Másimov ustalatynyn) sezgenmin. Sebebi Alla taǵala bárin kórip otyr», - deidi Islam Ábish «Bilgen durys» YouTube arnasyna bergen suhbatynda.
Islam Ábish qazir Másimovtiń túrmede otyrǵanyna kúmándanatyndar baryn aitady.
«Jaǵdaiy jasalǵanyna (túrmede) kúmándanbaimyn. Biraz ýaqyttan keiin merziminen buryn shyǵyp ketýi múmkin. Oǵan da kúmándanbaimyn. Aqshamen nemese saiasi jolmen», - deidi Islam Ábish.
Eske salaiyq, 2022 jyly 6 qańtar kúni Ulttyq qaýipsizdik komiteti Kárim Másimovke memleketke satqyndyq jasady degen aiyp taǵyp, QR Qylmystyq kodeksiniń 175-babynyń 1-bóligi boiynsha tergeýge alǵan edi. Sonymen qatar, onyń orynbasarlary da kúdikke ilingen. Sot protsesi «asa qupiia» túrde ótkizildi.
Byltyr 24 sáýirde Astana qalasynyń qylmystyq ister jónindegi mamandandyrylǵan aýdanaralyq soty Ulttyq qaýipsizdik komitetiniń burynǵy tóraǵasy Kárim Másimovke jáne onyń orynbasarlary A.Sadyqulovqa, D.Erǵojinge, M.Osipovke qatysty qylmystyq is boiynsha úkimin jariia etti.
Astana qalalyq sotynyń resmi málimetine sáikes, Sot sheshimi boiynsha QR UQK burynǵy tóraǵasy Másimov 18 jylǵa sottaldy. Al onyń orynbasarlary A.Sadyqulov - 16 jylǵa, D.Erǵojin taǵylǵan aiyptarǵa sáikes - 15 jylǵa, M.Osipov bolsa bilik pen laýazymdyq ókilettigin asyra paidalaný babymen 3 jylǵa bas bostandyǵynan aiyryldy. Sondai-aq olar ómir boiy laýazymdy qyzmet atqara almaidy. Oǵan qosa, barlyǵy general shenderinen jáne memlekettik nagradalarynan aiyryldy.
