اۋىل شارۋاشىلىعى مينيسترلىگى سۋ رەسۋرستارى كوميتەتىن باسقارعان يسلام ءابىش كارىم ءماسىموۆتىڭ سوتتالۋىنا قاتىستى پىكىر ءبىلدىردى، - دەپ حابارلايدى Dalanews.kz.

«جالپى جۇيە قاتتى وزگەرگەن جوق دەپ ويلايمىن. ءماسىموۆتىڭ اينالاسىنداعى ادامدار ءتيىستى ورگانداردا وتىرعان سەكىلدى. ءماسىموۆ ۇستالعان كەزدە تاڭعالعان جوقپىن. ول تۋرالى الدىن الا بىلەتىنمىن. ءوزىنىڭ وتانىن قارىزعا باتىرعان ادام. پرەمەر-مينيستر بولىپ وتىرادى، «ويباي 2030 جىلى جىلى سۋسىز قالامىز» دەپ ۋلاتىپ-شۋلاتىپ، ۇلكەن قارجى ءبولىپ، قازاقستاندى بەلشەسىنەن قارىزعا باتىرادى. مەن سول كەزدە بۇل ەكونوميكالىق ديۆەرسيا ەكەنىن ايتقانمىن. وتە ۇلكەن ساتقىندىق سول كەزدە باستالعان. سونداي بولاتىنىن (ءماسىموۆ ۇستالاتىنىن) سەزگەنمىن. سەبەبى اللا تاعالا ءبارىن كورىپ وتىر»، - دەيدى يسلام ءابىش «بىلگەن دۇرىس» YouTube ارناسىنا بەرگەن سۇحباتىندا.

يسلام ءابىش ءقازىر ءماسىموۆتىڭ تۇرمەدە وتىرعانىنا كۇمانداناتىندار بارىن ايتادى.

«جاعدايى جاسالعانىنا (تۇرمەدە) كۇماندانبايمىن. ءبىراز ۋاقىتتان كەيىن مەرزىمىنەن بۇرىن شىعىپ كەتۋى مۇمكىن. وعان دا كۇماندانبايمىن. اقشامەن نەمەسە ساياسي جولمەن»، - دەيدى يسلام ءابىش.

ەسكە سالايىق، 2022 جىلى 6 قاڭتار كۇنى ۇلتتىق قاۋىپسىزدىك كوميتەتى كارىم ماسىموۆكە مەملەكەتكە ساتقىندىق جاسادى دەگەن ايىپ تاعىپ، ق ر قىلمىستىق كودەكسىنىڭ 175-بابىنىڭ 1-بولىگى بويىنشا تەرگەۋگە العان ەدى. سونىمەن قاتار، ونىڭ ورىنباسارلارى دا كۇدىككە ىلىنگەن. سوت پروسەسى «اسا قۇپيا» تۇردە وتكىزىلدى. 

بىلتىر 24 ساۋىردە استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى ۇلتتىق قاۋىپسىزدىك كوميتەتىنىڭ بۇرىنعى ءتوراعاسى كارىم ماسىموۆكە جانە ونىڭ ورىنباسارلارى ا.سادىقۇلوۆقا، د.ەرعوجينگە، م.وسيپوۆكە قاتىستى قىلمىستىق ءىس بويىنشا ۇكىمىن جاريا ەتتى. 

استانا قالالىق سوتىنىڭ رەسمي مالىمەتىنە سايكەس، سوت شەشىمى بويىنشا ق ر ۇقك بۇرىنعى ءتوراعاسى ءماسىموۆ 18 جىلعا سوتتالدى. ال ونىڭ ورىنباسارلارى ا.سادىقۇلوۆ - 16 جىلعا، د.ەرعوجين تاعىلعان ايىپتارعا سايكەس - 15 جىلعا، م.وسيپوۆ بولسا بيلىك پەن لاۋازىمدىق وكىلەتتىگىن اسىرا پايدالانۋ بابىمەن 3 جىلعا باس بوستاندىعىنان ايىرىلدى. سونداي-اق ولار ءومىر بويى لاۋازىمدى قىزمەت اتقارا المايدى. وعان قوسا، بارلىعى گەنەرال شەندەرىنەن جانە مەملەكەتتىك ناگرادالارىنان ايىرىلدى.