UQK-niń burynǵy tóraǵasy Kárim Másimovtiń záýlim úiinen tárkilengen sán-saltanat buiymdary qaitadan saýdaǵa qoiyldy. Bul týraly derek Elektrondy saýda alańynda jariialandy, dep habarlaidy Dalanews.kz.
Aqparatqa súiensek, barlyǵy 11 lot satylymǵa shyǵarylǵan. Olardyń bastapqy jalpy baǵasy 3,5 mln teńgeni quraidy.
Saýdaǵa qoiylǵandardyń ishinde:
– “Montegrappa Italia” jazýy bar qymbat qalam. Baǵasy - 440 myń teńge;
– Viskonti Firenze markaly sývenir qalam – 402 myń teńge. Buǵan deiin bul qalamdardy tiisinshe 628 jáne 575 myń teńgege ótkizý múmkin bolmaǵan edi.
Sonymen qatar 13 kollektsiialyq jáne estelik moneta usynyldy. Olardyń baǵasy 80 myńnan 198 myń teńgege deiin ózgeredi.
Aýktsionǵa qoiylǵan ózge de zattar:
ulttyq oiýmen órnektelgen bylǵary beldik – 183 myń teńge;
qynaby bar qylysh – 930 myń teńge;
bolattan jasalǵan qynapty qanjar – 185 myń teńge;
sary metaldan soǵylǵan qylysh (qynabymen) – 837 myń teńge;
eki dana balta – 38 myń teńge.
Saýda 7 qazan kúni saǵat 12:00-de ótedi.
Qaitarylǵan aktivterdi basqarý kompaniiasy atalǵan buiymdardyń naqty kimnen tárkilengenin ashyp aitpady. Degenmen olardyń barlyǵy Másimovke tiesili záýlim úiden tárkilengen múlik retinde tirkelgen.
Eske salaiyq, 16 qyrkúiektk UQK-niń burynǵy tóraǵasy Kárim Másimovtiń Astanadaǵy záýlim úiinen tárkilengen birneshe buiym aýktsionda saýdalanǵan edi. Sol kezde barlyǵy bes lot satyldy.
Eń qymbat lot - «Elizabeth II» seriiasyndaǵy, nominaly 200 dollar, kengýrý beinelengen altyn moneta. Lot úshin tórt qatysýshy básekelesip, bastapqy 3,2 mln teńgelik baǵa 4,3 mln teńgege deiin ósti.
Eń arzan lot zergerlik buiymdar jiyntyǵy boldy. Ol bastapqy baǵasy 22 myń teńgeden 42 myń teńgege deiin kóterilip satyldy. Bul buiymǵa eki satyp alýshy talasty.
Sonymen qatar satylǵandar:
- túrli tústi emal jáne súiek áshekeilerimen qaptalǵan qylysh – 385 myń teńgege;
- eki kavkazdyq qanjar – 438 myń teńgege;
- sary metaldan jasalǵan qynǵa salynǵan pyshaq – 155 myń teńgege.
Qaitarylǵan aktivterdi basqarý kompaniiasy bul zattardyń naqty kimnen alynǵanyn ashyp aitpady. Alaida olardyń barlyǵy Kárim Másimovke tiesili záýlim úiden tárkilengen múlik tizimine kiredi.
