مەسٸموۆتەن تەركٸلەنگەن باعالى زاتتار تاعى دا اۋكتسيونعا شىعارىلدى

ۇقك-نٸڭ بۇرىنعى تٶراعاسى كەرٸم مەسٸموۆتٸڭ زەۋلٸم ٷيٸنەن تەركٸلەنگەن سەن-سالتانات بۇيىمدارى قايتادان ساۋداعا قويىلدى. بۇل تۋرالى دەرەك ەلەكتروندى ساۋدا الاڭىندا جارييالاندى, دەپ حابارلايدى Dalanews.kz.

اقپاراتقا سٷيەنسەك, بارلىعى 11 لوت ساتىلىمعا شىعارىلعان. ولاردىڭ باستاپقى جالپى باعاسى 3,5 ملن تەڭگەنٸ قۇرايدى.

ساۋداعا قويىلعانداردىڭ ٸشٸندە:

– “Montegrappa Italia” جازۋى بار قىمبات قالام. باعاسى - 440 مىڭ تەڭگە;

– Viskonti Firenze ماركالى سۋۆەنير قالام – 402 مىڭ تەڭگە. بۇعان دەيٸن بۇل قالامداردى تيٸسٸنشە 628 جەنە 575 مىڭ تەڭگەگە ٶتكٸزۋ مٷمكٸن بولماعان ەدٸ.

سونىمەن قاتار 13 كوللەكتسييالىق جەنە ەستەلٸك مونەتا ۇسىنىلدى. ولاردىڭ باعاسى 80 مىڭنان 198 مىڭ تەڭگەگە دەيٸن ٶزگەرەدٸ.

اۋكتسيونعا قويىلعان ٶزگە دە زاتتار:

ۇلتتىق ويۋمەن ٶرنەكتەلگەن بىلعارى بەلدٸك – 183 مىڭ تەڭگە;

قىنابى بار قىلىش – 930 مىڭ تەڭگە;

بولاتتان جاسالعان قىناپتى قانجار – 185 مىڭ تەڭگە;

سارى مەتالدان سوعىلعان قىلىش (قىنابىمەن) – 837 مىڭ تەڭگە;

ەكٸ دانا بالتا – 38 مىڭ تەڭگە.

ساۋدا 7 قازان كٷنٸ ساعات 12:00-دە ٶتەدٸ.

قايتارىلعان اكتيۆتەردٸ باسقارۋ كومپانيياسى اتالعان بۇيىمداردىڭ ناقتى كٸمنەن تەركٸلەنگەنٸن اشىپ ايتپادى. دەگەنمەن ولاردىڭ بارلىعى مەسٸموۆكە تيەسٸلٸ زەۋلٸم ٷيدەن تەركٸلەنگەن مٷلٸك رەتٸندە تٸركەلگەن.

ەسكە سالايىق, 16 قىركٷيەكتك ۇقك-نٸڭ بۇرىنعى تٶراعاسى كەرٸم مەسٸموۆتٸڭ استاناداعى زەۋلٸم ٷيٸنەن تەركٸلەنگەن بٸرنەشە بۇيىم اۋكتسيوندا ساۋدالانعان ەدٸ. سول كەزدە بارلىعى بەس لوت ساتىلدى.

ەڭ قىمبات لوت - «Elizabeth II» سەريياسىنداعى, نومينالى 200 دوللار, كەنگۋرۋ بەينەلەنگەن التىن مونەتا. لوت ٷشٸن تٶرت قاتىسۋشى بەسەكەلەسٸپ, باستاپقى 3,2 ملن تەڭگەلٸك باعا 4,3 ملن تەڭگەگە دەيٸن ٶستٸ.

ەڭ ارزان لوت زەرگەرلٸك بۇيىمدار جيىنتىعى بولدى. ول باستاپقى باعاسى 22 مىڭ تەڭگەدەن 42 مىڭ تەڭگەگە دەيٸن كٶتەرٸلٸپ ساتىلدى. بۇل بۇيىمعا ەكٸ ساتىپ الۋشى تالاستى.

سونىمەن قاتار ساتىلعاندار:

• تٷرلٸ تٷستٸ ەمال جەنە سٷيەك ەشەكەيلەرٸمەن قاپتالعان قىلىش – 385 مىڭ تەڭگەگە;
• ەكٸ كاۆكازدىق قانجار – 438 مىڭ تەڭگەگە;
• سارى مەتالدان جاسالعان قىنعا سالىنعان پىشاق – 155 مىڭ تەڭگەگە.

قايتارىلعان اكتيۆتەردٸ باسقارۋ كومپانيياسى بۇل زاتتاردىڭ ناقتى كٸمنەن الىنعانىن اشىپ ايتپادى. الايدا ولاردىڭ بارلىعى كەرٸم مەسٸموۆكە تيەسٸلٸ زەۋلٸم ٷيدەن تەركٸلەنگەن مٷلٸك تٸزٸمٸنە كٸرەدٸ.