Qazaqstanda jeke detektivterdiń jumysyn litsenziialaý usynyldy. Qazaqstandyq sheneýnikter 20 jyl boiy qarastyrmaǵan zań jobasy qabyldanýy múmkin, - dep habarlaidy Dalanews.kz.
Sarapshylardyń sózinshe, Qazaqstanda keminde 20 detektiv agenttikteri bar. Olardyń qanshasy jeke detektiv ekeni belgisiz. Kóbi kelisimshartpen jumys isteidi. Olar joǵalyp ketken nemese tyǵylyp júrgen adamdardy izdep, aqparat jinaýmen ainalysady.
Sarapshylardyń pikirinshe, jeke detektivterge zań júzinde dáleldemelerdi jinaýǵa quqyq berilse, bul qylmysty tergeýdiń sapasyn arttyrady. Kóptegen elderde jeke detektivter zań salasynda uzaq ýaqyttan beri jumys istep kele jatyr. Elimizde tiisti zań jobasy úkimet deńgeiinde jasandy túrde qabyldanbai tastaǵan. Bul týraly professor, polkovnik Arystan Aqpanov dóńgelek ústel barysynda aitty. Onyń ústine zańnyń qajettigi týraly nusqaý eks prezident Nazarbaevtyń joldaýynda bolǵany da eskerilmegen.
"Bul zań 20 jyl buryn parlamentte bolǵan, biraq esh elenbedi. Qarsy shyqqandar boldy. Barlyq memlekettik organ buǵan qarsy boldy. Óte ózekti problema bolǵan. Ol kezde úkimetti Másimov basqarǵan. Másimov bul zańnyń qabyldanýyna túbegeili qarsy bolǵan adam", - deidi professor Aqpanov.
Professor bul zańdy qabyldaý – qarapaiym azamattarǵa paidaly bolatynyn aitady.
