قازاقستاندا جەكە دەتەكتيۆتەردٸڭ جۇمىسىن ليتسەنزييالاۋ ۇسىنىلدى. قازاقستاندىق شەنەۋنٸكتەر 20 جىل بويى قاراستىرماعان زاڭ جوباسى قابىلدانۋى مٷمكٸن, - دەپ حابارلايدى Dalanews.kz.
ساراپشىلاردىڭ سٶزٸنشە, قازاقستاندا كەمٸندە 20 دەتەكتيۆ اگەنتتٸكتەرٸ بار. ولاردىڭ قانشاسى جەكە دەتەكتيۆ ەكەنٸ بەلگٸسٸز. كٶبٸ كەلٸسٸمشارتپەن جۇمىس ٸستەيدٸ. ولار جوعالىپ كەتكەن نەمەسە تىعىلىپ جٷرگەن ادامداردى ٸزدەپ, اقپارات جيناۋمەن اينالىسادى.
ساراپشىلاردىڭ پٸكٸرٸنشە, جەكە دەتەكتيۆتەرگە زاڭ جٷزٸندە دەلەلدەمەلەردٸ جيناۋعا قۇقىق بەرٸلسە, بۇل قىلمىستى تەرگەۋدٸڭ ساپاسىن ارتتىرادى. كٶپتەگەن ەلدەردە جەكە دەتەكتيۆتەر زاڭ سالاسىندا ۇزاق ۋاقىتتان بەرٸ جۇمىس ٸستەپ كەلە جاتىر. ەلٸمٸزدە تيٸستٸ زاڭ جوباسى ٷكٸمەت دەڭگەيٸندە جاساندى تٷردە قابىلدانباي تاستاعان. بۇل تۋرالى پروفەسسور, پولكوۆنيك ارىستان اقپانوۆ دٶڭگەلەك ٷستەل بارىسىندا ايتتى. ونىڭ ٷستٸنە زاڭنىڭ قاجەتتٸگٸ تۋرالى نۇسقاۋ ەكس پرەزيدەنت نازارباەۆتىڭ جولداۋىندا بولعانى دا ەسكەرٸلمەگەن.
"بۇل زاڭ 20 جىل بۇرىن پارلامەنتتە بولعان, بٸراق ەش ەلەنبەدٸ. قارسى شىققاندار بولدى. بارلىق مەملەكەتتٸك ورگان بۇعان قارسى بولدى. ٶتە ٶزەكتٸ پروبلەما بولعان. ول كەزدە ٷكٸمەتتٸ مەسٸموۆ باسقارعان. مەسٸموۆ بۇل زاڭنىڭ قابىلدانۋىنا تٷبەگەيلٸ قارسى بولعان ادام", - دەيدٸ پروفەسسور اقپانوۆ.
پروفەسسور بۇل زاڭدى قابىلداۋ – قاراپايىم ازاماتتارعا پايدالى بولاتىنىن ايتادى.
