"Ýkraınalyq kúshter men sheteldik jaldamalylar "Azovstal" ishinde qamalyp otyr" dedi Shoıgý.

Pýtın Marıýpoldegi "qarýly jumysty" "sátti" dep atap, reseılik áskerılerge nagrada berýdi tapsyrdy.

Reseı prezıdenti "Azovstalǵa" shtýrmdy "bos is" dep atap, Shoıgýǵa kombınatqa shtýrmdy doǵarýdy buıyrdy.

"Bul jaǵdaıda biz soldattarymyz ben ofıserlerimizdiń ómirin saqtaýdy oılaýymyz kerek. Bul katakombaǵa jolaýdyń qajeti joq, ónerkásip bazasynyń astyna túsýdiń de keregi shamaly. Ónerkásiptik aımaqty shybyn ushpaıtyndaı jaýyp tastańdar" dedi Pýtın.

Marıýpol qalasy 1 naýryzdan beri Reseı áskeriniń qorshaýynda qalǵan. Ýkraına bıligi qaladaǵy 80-90 paıyz ınfraqurylym tolyq qıraǵanyn, qalada 20 myńnan asa beıbit turǵyn qaza bolǵanyn málimdegen.

Bul qalany negizinen ýkraınalyq "Azov" batalóny qorǵaǵan. Reseı bıligi "Azov" batalónyn "nasıonalıster" dep, Marıýpoldi "nasıonalısterdiń astanasy" dep ataıdy. Kıev qalada 10 myńnan asa adam qalǵanyn, Reseı kúshteri olardy qaladan shyǵarmaı otyrǵanyn aıtqan.

Sársenbi kúni keshkisin "Azov" batalónynyń komandır orynbasary Svátoslav Palamar vıdeo úndeý arqyly Marıýpoldan shyǵýǵa daıyn ekenin, biraq berilip, tutqyn bolýǵa kelispeıtinin málimdegen.