رەسەي قورعانىس مينيسترٸ سەرگەي شويگۋ 21 سەۋٸردە رەسەي پرەزيدەنتٸ ۆلاديمير پۋتينمەن كەزدەسۋدە "ماريۋپول قالاسىن باقىلاۋعا العانى" جايلى ەسەپ بەرٸپ, "تەك "ازوۆستال" كومبيناتىنىڭ اۋماعىنا ەلٸ باقىلاۋ ورناتىلماعانىن" ايتتى.
"ۋكراينالىق كٷشتەر مەن شەتەلدٸك جالدامالىلار "ازوۆستال" ٸشٸندە قامالىپ وتىر" دەدٸ شويگۋ.
پۋتين ماريۋپولدەگٸ "قارۋلى جۇمىستى" "سەتتٸ" دەپ اتاپ, رەسەيلٸك ەسكەريلەرگە ناگرادا بەرۋدٸ تاپسىردى.
رەسەي پرەزيدەنتٸ "ازوۆستالعا" شتۋرمدى "بوس ٸس" دەپ اتاپ, شويگۋعا كومبيناتقا شتۋرمدى دوعارۋدى بۇيىردى.
"بۇل جاعدايدا بٸز سولداتتارىمىز بەن وفيتسەرلەرٸمٸزدٸڭ ٶمٸرٸن ساقتاۋدى ويلاۋىمىز كەرەك. بۇل كاتاكومباعا جولاۋدىڭ قاجەتٸ جوق, ٶنەركەسٸپ بازاسىنىڭ استىنا تٷسۋدٸڭ دە كەرەگٸ شامالى. ٶنەركەسٸپتٸك ايماقتى شىبىن ۇشپايتىنداي جاۋىپ تاستاڭدار" دەدٸ پۋتين.
ماريۋپول قالاسى 1 ناۋرىزدان بەرٸ رەسەي ەسكەرٸنٸڭ قورشاۋىندا قالعان. ۋكراينا بيلٸگٸ قالاداعى 80-90 پايىز ينفراقۇرىلىم تولىق قيراعانىن, قالادا 20 مىڭنان اسا بەيبٸت تۇرعىن قازا بولعانىن مەلٸمدەگەن.
بۇل قالانى نەگٸزٸنەن ۋكراينالىق "ازوۆ" باتالونى قورعاعان. رەسەي بيلٸگٸ "ازوۆ" باتالونىن "ناتسيوناليستەر" دەپ, ماريۋپولدٸ "ناتسيوناليستەردٸڭ استاناسى" دەپ اتايدى. كيەۆ قالادا 10 مىڭنان اسا ادام قالعانىن, رەسەي كٷشتەرٸ ولاردى قالادان شىعارماي وتىرعانىن ايتقان.
سەرسەنبٸ كٷنٸ كەشكٸسٸن "ازوۆ" باتالونىنىڭ كوماندير ورىنباسارى سۆياتوسلاۆ پالامار ۆيدەو ٷندەۋ ارقىلى ماريۋپولدان شىعۋعا دايىن ەكەنٸن, بٸراق بەرٸلٸپ, تۇتقىن بولۋعا كەلٸسپەيتٸنٸن مەلٸمدەگەن.
