Marqum kásipker Baqyt Ibragimovten tárkilengen úi satylymǵa qoiyldy, - dep habarlaidy Dalanews.kz.
Shymbulaqtaǵy eki qabatty úi 2020 jyldyń qarashasynda tárkilengen bolatyn. Ǵimaratty tárkileý týraly qaýlyny Almaly aýdandyq soty shyǵardy.
Kottedj burynǵy Gornyi, qazir Kerei jáne Jánibek kóshelerinde ornalasqan.
Saýdaǵa qoiylǵan úidi satyp alýshy da tabylǵan. Alaida saýda nátijesi joiylǵan. Endi úi qaitadan satylymǵa shyǵyp, 380 million teńgege baǵalanyp otyr.
Eske salaiyq, 2020 jyly Baqyt Ibragim Jomart Ertaevpen birge RBK Bank-te "qarjy jymqyrdy" dep sottalyp, 2023 jyly kúzde bosap shyqqany kópshilikke málim.
14 naýryzda bankir Baqyt Ibragim óz-ózine qol jumsaǵan bolatyn. Buǵan deiin ol Qazaq banki iri bankin basqaryp, tipti onyń aktsioneri bolǵan. Oqiǵa oryn alǵan kúni Almaty politsiia departamenti qaiǵyly jaitty rastaǵan edi. Sonymen qatar sýitsid bolǵanyn málimdedi. Baqyt Ibragimov 1985 jyly 28 mamyrda týǵan.
Kásipkerdiń jeke ómirine qatysty málimet joqtyń qasy. Kei málimetterde onyń burynǵy áieli Merýert Ábdir ekeni aitylady. Merýert Ábdir – Baqytjan Saǵyntaevtyń úlken qyzy.
