ShQO kásipkerlik jáne indýstriialyq-innovatsiialyq damý basqarmasynyń basshysy Ardaq Mádiev Qytaidan keletin týrister sanyn arttyrýǵa baǵyttalǵan aýqymdy joba týraly málimdedi, dep habarlaidy Dalanews.kz Bizdin oskemen-ge silteme jasap.
Ardaq Mádievtyń aitýynsha, búginde Qytai Halyq Respýblikasynyń Shyńjań-Uiǵyr avtonomiialyq aýdanyndaǵy Qanas kóline jyl saiyn shamamen 10 millionǵa jýyq týrist keledi. Bul jerlerdiń bederi men tabiǵaty Marqakól kólimen birdei. Marqakól kóliniń týristik áleýeti zor bolǵanymen ókinishke orai, kólde áli qajetti infraqurylym joq. Shyńjań Uiǵyr avtonomiialyq aýdanyndaǵy Qanas jáne Marqakóldi bir týristik baǵytpen bailanystyrý Marqakólge saiahatshylardy tartýǵa jańa serpin beredi.
– Árine, Zaisandaǵy áýejai salynǵannan keiin qytailyq týrister aǵyny aitarlyqtai artady. Marqakól aýdany jańadan qurylǵan aimaq jáne týrizmdi damytý mýltiplikativtik nátije beredi. Biz Ekologiia ministrligi men Orman sharýashylyǵy komitetiniń ókilderimen birlesip jumys tobyn qurdyq, syrttai otyrys uiymdastyryp, týristerdi qabyldaýǵa arnalǵan infraqurylymdar: qonaq úiler, kempingter (jazǵy lager) jáne t.b. ornalasatyn jerlerdi anyqtadyq, - dedi Ardaq Mádiev.
