Uly Otan soǵysynyń ardagerlerine qurmet kórsetý isi Qonaev qalasyndaǵy Dańq memorialy janynda gúl shoqtaryn qoiý rásiminen bastaldy, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.
Marat Sultanǵaziev Alataý qalasynyń Tyl ardageri, kópbalaly ana, «Altyn alqa» iegeri Bulyn Ramazanova men Uzynaǵash aýylyndaǵy UOS ardageri Fedor Kovalevty quttyqtady.
Ardagerlermen kezdesý barysynda óńir basshysy olardyń erligin ulyqtap, oblys turǵyndarynyń atynan alǵys aitty. Sondai-aq, Memleket basshysy Qasym-Jomart Toqaevtyń quttyqtaý hatyn oqyp, syilyǵyn tabystady.
Qazirgi kúni 2,5 myńnan astam tyl eńbekkeri óskeleń urpaqqa ónege bolyp júr. Baiǵabylov Tastemir (Qonaev qalasy), Mariia Muqanova (Qarasai aýdany),Saýranbaev Nariman (Raiymbek aýdany), Galina Liasheva (Talǵar aýdany), Shortanova Kúlpar (Kegen aýdany) siiaqty tyl ardageleri áli de qoǵamdyq ómirge aralasyp, jastarǵa jol kórsetýde. Uly Otan soǵysynyń ardagerleri men tyl eńbekkerleriniń eshqaisysy memlekettiń qoldaýy men qamqorlyǵynan, qoǵamnyń syi-qurmetinen tys qalmaýda.
Bizdiń búgingi basty mindetimiz – osyndai aǵa býynnyń surapyl soǵys jyldaryndaǵy erlikterin barynsha dáripteý. Sebebi, «Erlik – elge mura, urpaqqa – úlgi»!», – dedi óńir basshysy Marat Sultanǵaziev.
Aita keteiik, Almaty oblysynan 40 myńdai adam áskerge attanǵan.
Kózsiz batyrlyqtyń jarqyn úlgisin kórsetken 20 maidangerimizge Keńes Odaǵynyń Batyry ataǵy berilse, oblysymyzdyń 6 týmasy «Dańq» ordeniniń tolyq iegeri atandy.
