Marat Omarov Qazaqstan fýtbol federasıasynyń prezıdenti bolyp saılandy. Bul týraly Qazaqstan fýtbol federasıasynyń baspasóz qyzmeti málim etti, dep habarlaıdy Dalanews.kz.
20 jeltoqsanda QFF-nyń kezekten tys XXVII saılaý konferensıasy ótti, bul jıynda federasıanyń jańa basshysy anyqtaldy.
QFF prezıdenttigine birneshe adam úmitker boldy. Olar:
Daýmov Altaı Almasuly – «Almaty oblysynyń fýtbol qaýymdastyǵy» ZTB atynan; Qaıyrov Erbol Qydyrbekuly – «Aqmola oblystyq fýtbol qaýymdastyǵy» ZTB atynan; Omarov Marat Talǵatuly – «Astana qalasy fýtbol federasıasy qaýymdastyǵy» ZTB atynan.
Al buǵan deıin QFF prezıdenttigine ótinim bergen Maǵaý Nargıs Erlanqyzy, Jamantaev Erlan Aıtpaıuly jáne Lorıa Davıd Grıgorevıch saılaýǵa qatysýdan óz erkimen bas tartty.
Kezekten tys XXVII konferensıasynyń nátıjesi boıynsha «Astana qalasy fýtbol federasıasy qaýymdastyǵy» ZTB atynan saılaýǵa túsken Omarov Marat Talǵatuly 34 daýyspen alǵa shyǵyp, Qazaqstan fýtbol federasıasynyń prezıdenti atandy.
