Kúrshim aýdanynyń Maraldy aýylynda jaryqtandyrý, jol jóndeý, abattandyrý jumystary qarqyndy júrip jatyr. Bul kúnde aýyl ishindegi jalpy uzyndyǵy 3,6 shaqyrym bolatyn kóshe jolyna asfalt tóselgen.
Shyǵys Qazaqstan oblysynyń ákimi Ermek Kósherbaevtyń tapsyrmasy boiynsha aýylda abattandyrý, kóshelerge jaryq shamdar ornatý, aýyzsý tartý jumystary júrgizilgen.
– Aýyldaǵy mektepke Starlink internet jelisi ornatyldy. Sondai-aq balalar oinaityn alańqai jańartylyp, fýtbol alańyn salý josparlanyp otyr. Byltyr aýyl ishinde hokkei oinaityn muz aidyny jasalǵan.
Azdaǵan kemshilikter anyqtaldy. Merdiger olqylyqty qalpyna keltirip beredi. Sonymen qatar aýyldaǵy mádeniet úiiniń syrtqy qasbetin qaptaý jumystary júrgizildi, – dedi Kúrshim aýdany ákiminiń orynbasary Meiirjan Álibekov.
