كۇرشىم اۋدانىنىڭ مارالدى اۋىلىندا جارىقتاندىرۋ، جول جوندەۋ، اباتتاندىرۋ جۇمىستارى قارقىندى ءجۇرىپ جاتىر. بۇل كۇندە اۋىل ىشىندەگى جالپى ۇزىندىعى 3،6 شاقىرىم بولاتىن كوشە جولىنا اسفالت توسەلگەن.
شىعىس قازاقستان وبلىسىنىڭ اكىمى ەرمەك كوشەربايەۆتىڭ تاپسىرماسى بويىنشا اۋىلدا اباتتاندىرۋ، كوشەلەرگە جارىق شامدار ورناتۋ، اۋىزسۋ تارتۋ جۇمىستارى جۇرگىزىلگەن.
– اۋىلداعى مەكتەپكە Starlink ينتەرنەت جەلىسى ورناتىلدى. سونداي-اق بالالار وينايتىن الاڭقاي جاڭارتىلىپ، فۋتبول الاڭىن سالۋ جوسپارلانىپ وتىر. بىلتىر اۋىل ىشىندە حوككەي وينايتىن مۇز ايدىنى جاسالعان.
ازداعان كەمشىلىكتەر انىقتالدى. مەردىگەر ولقىلىقتى قالپىنا كەلتىرىپ بەرەدى. سونىمەن قاتار اۋىلداعى مادەنيەت ءۇيىنىڭ سىرتقى قاسبەتىن قاپتاۋ جۇمىستارى جۇرگىزىلدى، – دەدى كۇرشىم اۋدانى اكىمىنىڭ ورىنباسارى مەيىرجان الىبەكوۆ.
