Shyǵys Qazaqstan oblysy, Maraldy aýylynda zańsyz mitingiler ótti, - dep habarlaidy Dalanews.kz.
Kúrshim aýdany ákimdiginiń málimetinshe, qoǵamdyq tyńdaýlardy ótkizý kezinde quqyqbuzýshylyq bolmaǵan. Al áleýmettik jelilerde taratylatyn jalǵan aqparat shyndyqqa janaspaityn kórinedi.
Qazirdiń ózinde belgili bir adamdar toby tártipsizdik uiymdastyrýǵa jáne ǵimaratqa qarapaiym adamdardy kirgizbeýge tyrysqany anyqtalǵan. Iaǵni bir top adam tártipsizdik uiymdastyryp, qoǵamdyq tyńdaýlar kúni arnaiy miting uiymdastyrǵan. Olar sharaǵa qyzyǵýshylyq tanytyp kelgen halyqty zalǵa kirgizbei, kedergi jasady.
Tártip buzǵandar aýyl turǵyndarynyń tirkeý ústeline ótýine jol bermei, operatorlardy iterip, beinejazbany buzýǵa tyrysty, tyńdaýlardyń resmi hattamasyna barlyq jaǵynan kedergi keltirgen.
Tyńdaýǵa qarapaiym turǵyndar kelgen, óitkeni olar Maraldy aýylynda altyn óndirý fabrikasyn iske qosýǵa tikelei qatysty. Basym bóligi atalmysh zaýytta eńbek etetin bolady.
Tyńdaýlar QR Ekologiialyq kodeksiniń talaptaryna sáikes kelmegeni týraly málimdemeler de jalǵan eken. Barlyǵy zańnamaǵa sáikes iske asyryldy.
Al miting tiisti ruqsatsyz ótti, bul QR zańnamasyn tikelei buzý bolyp tabylady. Al qoǵamdyq tyńdaýlar zańdy túrde ótken.
