مارالدى اۋىلىندا زاڭسىز ميتينگ ءوتتى

سىمبات ساتىبالدينا 07 اقپ. 2024 12:18 2225

شىعىس قازاقستان وبلىسى، مارالدى اۋىلىندا زاڭسىز ميتينگىلەر ءوتتى، - دەپ حابارلايدى Dalanews.kz

كۇرشىم اۋدانى اكىمدىگىنىڭ مالىمەتىنشە، قوعامدىق تىڭداۋلاردى وتكىزۋ كەزىندە قۇقىقبۇزۋشىلىق بولماعان. ال الەۋمەتتىك جەلىلەردە تاراتىلاتىن جالعان اقپارات شىندىققا جاناسپايتىن كورىنەدى.

ءقازىردىڭ وزىندە بەلگىلى ءبىر ادامدار توبى تارتىپسىزدىك ۇيىمداستىرۋعا جانە عيماراتقا قاراپايىم ادامداردى كىرگىزبەۋگە تىرىسقانى انىقتالعان. ياعني ءبىر توپ ادام تارتىپسىزدىك ۇيىمداستىرىپ، قوعامدىق تىڭداۋلار كۇنى ارنايى ميتينگ ۇيىمداستىرعان. ولار شاراعا قىزىعۋشىلىق تانىتىپ كەلگەن حالىقتى زالعا كىرگىزبەي، كەدەرگى جاسادى. 

ءتارتىپ بۇزعاندار اۋىل تۇرعىندارىنىڭ تىركەۋ ۇستەلىنە وتۋىنە جول بەرمەي، وپەراتورلاردى يتەرىپ، بەينەجازبانى بۇزۋعا تىرىستى، تىڭداۋلاردىڭ رەسمي حاتتاماسىنا بارلىق جاعىنان كەدەرگى كەلتىرگەن. 

تىڭداۋعا قاراپايىم تۇرعىندار كەلگەن، ويتكەنى ولار مارالدى اۋىلىندا التىن ءوندىرۋ فابريكاسىن ىسكە قوسۋعا تىكەلەي قاتىستى. باسىم بولىگى اتالمىش زاۋىتتا ەڭبەك ەتەتىن بولادى.

تىڭداۋلار ق ر ەكولوگيالىق كودەكسىنىڭ تالاپتارىنا سايكەس كەلمەگەنى تۋرالى مالىمدەمەلەر دە جالعان ەكەن. بارلىعى زاڭناماعا سايكەس ىسكە اسىرىلدى.

ال  ميتينگ ءتيىستى رۇقساتسىز ءوتتى، بۇل ق ر زاڭناماسىن تىكەلەي بۇزۋ بولىپ تابىلادى. ال قوعامدىق تىڭداۋلار زاڭدى تۇردە وتكەن.


ۇسىنىلعان
سوڭعى جاڭالىقتار
x