Biyl Maqtaral aýdanynda «Jastar praktikasy» boiynsha 178 jumys berýshi mekememen kelisim shart jasalyp, 506 adam jumysqa joldanǵan.
Biyl Maqtaral aýdanynda «Nátijeli jumyspen qamtýdy jáne jappai kásipkerlikti damytý» baǵdarlamasynyń barlyq baǵyttary boiynsha 10142 adamdy keshendi josparǵa sáikes qamtý josparlanǵan.
Jalpy jumyspen qamtylǵandar sany 4647 adamdy qurap otyr. Onyń ishinde 2717-si jumyssyzdar bolyp eseptelse, 1765-si tabysy az azamattarǵa jatady. Sondai-aq, ózdiginshe jumys izdep kelgender sany 1909 adamdy quraidy.
«Atalǵan baǵdarlama sheńberinde jumys izdep kelgenderdiń 1570-i názik jandylar bolsa, onyń ishindegi 1448-i aýyl áielderi, al 50 jastan asqandary 177- ini quraidy. Jasy 29-ǵa deiingi baǵdarlamaǵa qatysqan jastar sany 1690 adam, onyń 1559-y aýyl jastary. Budan bólek, aýdanymyzdaǵy múmkindigi shekteýli jumysqa jaramdy 76 adamǵa áleýmettik qoldaý kórsetilýde. Onyń ishinde 24-i áleýmettik jumys oryndaryna, 8-i jastar praktikasyna, 9-y qoǵamdyq jumystarǵa, 35-i derekter qoryndaǵy bos jumys ornyna joldandy», — deidi Maqtaral aýdandyq halyqty jumyspen qamtý ortalyǵynyń direktory O.Dándibaev.
Biyl aýdanda kásibi bilim berý jáne kásiptik oqytý boiynsha 1410 adamdy qamtý josparlanýda. Onyń ishindegi tehnikalyq jáne kásiptik bilimi bar kadrlar daiarlaýǵa 275 adam, qysqa merzimdik kásiptik oqytýǵa 1135 adam josparlanǵan. Bul maqsatqa respýblikalyq biýdjetten 146,672 mln.teńge qaralǵan.
Budan bólek, jappai kásipkerlikti damytý boiynsha «Bastaý-Biznes» jobasymen kásipkerlik negizderge oqytýǵa 355 adam, shaǵyn nesieleýge 42 adam josparlanýda. Sondai-aq, áleýmettik jumys orny boiynsha jospar 1250 adam, naqtysy 1452 adam, oryndalýy 116% quraidy. Respýblikalyq biýdjetten qaralǵan qarjy 330,0 mln.teńgeni quraidy.
