بيىل ماقتارال اۋدانىندا «جاستار پراكتيكاسى» بويىنشا 178 جۇمىس بەرۋشى مەكەمەمەن كەلىسىم شارت جاسالىپ، 506 ادام جۇمىسقا جولدانعان.
بيىل ماقتارال اۋدانىندا «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ» باعدارلاماسىنىڭ بارلىق باعىتتارى بويىنشا 10142 ادامدى كەشەندى جوسپارعا سايكەس قامتۋ جوسپارلانعان.
جالپى جۇمىسپەن قامتىلعاندار سانى 4647 ادامدى قۇراپ وتىر. ونىڭ ىشىندە 2717ء-سى جۇمىسسىزدار بولىپ ەسەپتەلسە، 1765ء-سى تابىسى از ازاماتتارعا جاتادى. سونداي-اق، وزدىگىنشە جۇمىس ىزدەپ كەلگەندەر سانى 1909 ادامدى قۇرايدى.
«اتالعان باعدارلاما شەڭبەرىندە جۇمىس ىزدەپ كەلگەندەردىڭ 1570ء-ى نازىك جاندىلار بولسا، ونىڭ ىشىندەگى 1448ء-ى اۋىل ايەلدەرى، ال 50 جاستان اسقاندارى 177- ءىنى قۇرايدى. جاسى 29-عا دەيىنگى باعدارلاماعا قاتىسقان جاستار سانى 1690 ادام، ونىڭ 1559-ى اۋىل جاستارى. بۇدان بولەك، اۋدانىمىزداعى مۇمكىندىگى شەكتەۋلى جۇمىسقا جارامدى 76 ادامعا الەۋمەتتىك قولداۋ كورسەتىلۋدە. ونىڭ ىشىندە 24ء-ى الەۋمەتتىك جۇمىس ورىندارىنا، 8ء-ى جاستار پراكتيكاسىنا، 9-ى قوعامدىق جۇمىستارعا، 35ء-ى دەرەكتەر قورىنداعى بوس جۇمىس ورنىنا جولداندى»، — دەيدى ماقتارال اۋداندىق حالىقتى جۇمىسپەن قامتۋ ورتالىعىنىڭ ديرەكتورى و.داندىبايەۆ.
بيىل اۋداندا كاسىبي ءبىلىم بەرۋ جانە كاسىپتىك وقىتۋ بويىنشا 1410 ادامدى قامتۋ جوسپارلانۋدا. ونىڭ ىشىندەگى تەحنيكالىق جانە كاسىپتىك ءبىلىمى بار كادرلار دايارلاۋعا 275 ادام، قىسقا مەرزىمدىك كاسىپتىك وقىتۋعا 1135 ادام جوسپارلانعان. بۇل ماقساتقا رەسپۋبليكالىق بيۋدجەتتەن 146،672 ملن.تەڭگە قارالعان.
بۇدان بولەك، جاپپاي كاسىپكەرلىكتى دامىتۋ بويىنشا «باستاۋ-بيزنەس» جوباسىمەن كاسىپكەرلىك نەگىزدەرگە وقىتۋعا 355 ادام، شاعىن نەسيەلەۋگە 42 ادام جوسپارلانۋدا. سونداي-اق، الەۋمەتتىك جۇمىس ورنى بويىنشا جوسپار 1250 ادام، ناقتىسى 1452 ادام، ورىندالۋى 116% قۇرايدى. رەسپۋبليكالىق بيۋدجەتتەن قارالعان قارجى 330،0 ملن.تەڭگەنى قۇرايدى.
