Maqtaaraldyń baqsha ónimderi Shyǵys Eýropada úlken suranysqa ie
Ótken jyly aýdandaǵy maqtashylar maqta ziiankesterinen qatty japa shekkeni esimizde. Biyl erte dabyl qaǵylyp, eńbekqor sharýalarymyz tiimdi áreket jasaǵandyqtan, ziiankestermen kúres sátti júrip, byltyrǵyǵa qaraǵanda maqta shyǵymdylyǵy birshama táýir boldy.
Biyl ortasha eseppen gektarynan 22,4 tsentnerden ónim alyndy. Maqta terim naýqanyna 347 terimshiler brigadasy, 113 kombain jumyldyryldy. Aýdanda maqta óńdeitin 5 zaýyt, maqta qabyldaityn 69 beket bar. TMD-da teńdesi joq «Myrzakent» maqta óńdeý zaýyty 120 adamdy turaqty jumyspen qamtyp otyr.
Biyl maqtaaraldyń diqandar 12 546,1 gektar jerge baqsha daqyldaryn ekse, onyń ishinde 10 878,9 gektary – qaýyn. Sondai-aq, 1 667,2 gektar jerge qarbyz egilgen.
Ótken jyly Túrkistan oblysynda 1 million 300 myń tonna baqsha ónimderi óndirilse, sonyń 600 myń tonnasy Maqtaaral aýdanynyń diqandarynyń enshisine tiip, onyń basym bóligi eksportqa shyǵaryldy. Qazirgi tańda «Myrzashól» qaýyndary Reseide, tipti Shyǵys Eýropanyń birneshe memleketterinde tanylyp úlgerdi.
Baqsha ónimderi jergilikti diqandar úshin tiimdi biznes kózine ainaldy. Osy rette Qazaq maqta sharýashylyǵy ǵylymi-zertteý institýty «Myrzashól» qaýynynyń eksportqa jaramdy sorttaryn shyǵaryp, diqandardyń tabysty eńbek etýine úlken úles qosqanyn aita ketýimiz kerek.
Dalanews.kz
