Maqtaaraldyń aimaǵynda iske qosylatyn úsh joba aiasynda 100-den astam jumys oryny ashylady
Qazirgi tańda aýdanda kásipkerlik sala qanatyn keńge jaiyp keledi. Kez kelgen eldiń áleýmettik-ekonomikalyq áleýetin kóteretin faktor – ol kásipkerlik pen ónerkásip salasy ekeni sózsiz. Osy rette kúni keshegi ákimshilik bólinis kezinde mańyzdy indýstrialdy aimaq Maqtaaral aýdanynyń enshisine tiip, úlken múmkindikke ie boldy.
Biyl Maqtaaral aýdanynyń indýstrialdy aimaǵynda 1 joba, kelesi jyly 2 joba, arǵy jyly taǵy 1 joba iske asyrylyp, 100-den astam jumys orny ashylady dep kútilýde.
Atap aitqanda, Maqtaaral aýdanynda asfalt-beton zaýyty, polietilen ónimderiniń jáne meditsinalyq maqta ónimderiniń óndirisi, sondai-aq temirdi qaita óńdeý óndirisi iske qosylmaq.
«Soldatos» JShS-niń asfalt-beton zaýytyn salýǵa 300 million teńge jumsalmaqshy. Joba boiynsha 50 adam jumyspen qamtylyp, saǵatyna 300 tonna asfalt-beton ónimderi óndiretin múmkindikke ie bolady. Sol siiaqty «Radjapov» jeke kásipkerliginiń «Polietilen ónimderiniń óndirisi» jobasynyń qurylysyn bastaý úshin qujattar resimdelýde. Jobanyń qurylysyna 200 million teńge jumsalyp, jańadan 36 jumys orny ashylady dep josparlanyp otyr.
Dalanews.kz
