ماقتاارالدىڭ ايماعىندا ٸسكە قوسىلاتىن ٷش جوبا اياسىندا 100-دەن استام جۇمىس ورىنى اشىلادى
قازٸرگٸ تاڭدا اۋداندا كەسٸپكەرلٸك سالا قاناتىن كەڭگە جايىپ كەلەدٸ. كەز كەلگەن ەلدٸڭ ەلەۋمەتتٸك-ەكونوميكالىق ەلەۋەتٸن كٶتەرەتٸن فاكتور – ول كەسٸپكەرلٸك پەن ٶنەركەسٸپ سالاسى ەكەنٸ سٶزسٸز. وسى رەتتە كٷنٸ كەشەگٸ ەكٸمشٸلٸك بٶلٸنٸس كەزٸندە ماڭىزدى يندۋستريالدى ايماق ماقتاارال اۋدانىنىڭ ەنشٸسٸنە تيٸپ, ٷلكەن مٷمكٸندٸككە يە بولدى.
بيىل ماقتاارال اۋدانىنىڭ يندۋستريالدى ايماعىندا 1 جوبا, كەلەسٸ جىلى 2 جوبا, ارعى جىلى تاعى 1 جوبا ٸسكە اسىرىلىپ, 100-دەن استام جۇمىس ورنى اشىلادى دەپ كٷتٸلۋدە.
اتاپ ايتقاندا, ماقتاارال اۋدانىندا اسفالت-بەتون زاۋىتى, پوليەتيلەن ٶنٸمدەرٸنٸڭ جەنە مەديتسينالىق ماقتا ٶنٸمدەرٸنٸڭ ٶندٸرٸسٸ, سونداي-اق تەمٸردٸ قايتا ٶڭدەۋ ٶندٸرٸسٸ ٸسكە قوسىلماق.
«Soldatos» جشس-نٸڭ اسفالت-بەتون زاۋىتىن سالۋعا 300 ميلليون تەڭگە جۇمسالماقشى. جوبا بويىنشا 50 ادام جۇمىسپەن قامتىلىپ, ساعاتىنا 300 توننا اسفالت-بەتون ٶنٸمدەرٸ ٶندٸرەتٸن مٷمكٸندٸككە يە بولادى. سول سيياقتى «رادجاپوۆ» جەكە كەسٸپكەرلٸگٸنٸڭ «پوليەتيلەن ٶنٸمدەرٸنٸڭ ٶندٸرٸسٸ» جوباسىنىڭ قۇرىلىسىن باستاۋ ٷشٸن قۇجاتتار رەسٸمدەلۋدە. جوبانىڭ قۇرىلىسىنا 200 ميلليون تەڭگە جۇمسالىپ, جاڭادان 36 جۇمىس ورنى اشىلادى دەپ جوسپارلانىپ وتىر.
Dalanews.kz
