Maqtaaralda «Tsifrlyq Qazaqstan» baǵdarlamasynyń oryndalý barysy talqylandy
Baiandama jasaǵan aýdan ákimi apparatynyń aqparattandyrý, memlekettik qupiialardy qorǵaý jáne memlekettik qyzmet kórsetý monitoringi bóliminiń basshysy Erlan Turymbetov aýdan ákimdiginiń derbes bólimderi, kentter men aýyldyq okrýgterde QR Úkimetiniń «Memlekettik kórsetiletin qyzmetterdiń tizilimine» sáikes, 97 qyzmet túri kórsetilgenin atap ótti.
Bólim basshysy 2018 jyldyń 9 aiynda 90627 memlekettik qyzmet kórsetilgenin aitty. Onyń ishinde qaǵaz júzinde, tikelei – 19075 qyzmet, halyqqa qyzmet kórsetý arqyly – 29400 qyzmet kórsetilgen. Sondai-aq, elektrondy úkimettiń portaly arqyly jalpy sany 42152 qyzmet kórsetilip, aýdanda elektrondy qyzmet kórsetý úlesi 46,5%-dy ǵana quraǵan.
Aýdan ákimdigine qarasty derbes bólimder, kentter men aýyldyq okrýgteri ákimderi apparattarynyń ǵimarattarynda turǵyndardyń «Ózine-ózi qyzmet kórsetý» buryshtary ashylǵan. Osy buryshtarda azamattar ózine qajetti qyzmetti alý múmkindikteri bar. Jergilikti atqarýshy organdar tarapynan usynylatyn qyzmetterdi «Tsifrlyq Qazaqstan» memlekettik baǵdarlamasy aiasynda elektrondy formatqa kóshirý maqsatynda, memlekettik kórsetiletin qyzmetterdiń elektrondy túrde kórsetý múmkindikterin eldi mekenderde turǵyndarǵa aqparattyq-nasihattap, túsindirý jumystaryn júrgizý qajettigin de bólim basshysy eske saldy.
«Elbasynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty halyqqa arnaǵan Joldaýynda «Jalpy, 2019 jyly kórsetiletin memekettik qyzmetterdiń 80 paiyzy, al 2020 jyly keminde 90 paiyzy elektrondy formatqa kóshirilýge tiis» dep aiqyndaǵan. Maqtaaral aýdanynda bul mejeni oryndaý úshin kóptegen jumystardy atqarý kerek» - dedi E.Turymbetov.
