Maqtaaralda «Qys-2018» oqý-jattyǵýy ótti
Azamattyq qorǵaý memlekettik júiesin uiymdastyrýdy jetildirý, sondai-aq basqarý organdaryn, kúshter men quraldardy daiarlaý maqsatynda ótken jiynǵa aýdan ákiminiń orynbasary, oqý-jattyǵýdyń basshysy Beisenbai Tórebekov qatysyp, aýdandyq azamattyq qorǵanys jáne tótenshe jaǵdailar jónindegi qyzmetterdiń daiyndyǵyn qarap shyqty.
Eń aldymen B.Tórebekov qys kezindegi tótenshe jaǵdailardy joiý jónindegi is-áreketter, atap aitqanda kóshirý is-sharalaryn, ishki ister organdarymen ózara árekettesý josparlaryn naqtylady. Sondai-aq, barlyq deńgeidegi avariialyq-qutqarý, dispetcherlik jáne boljaý qyzmetteriniń jumysyn, jedel kezekshilik pen basqarýynyń uiymdastyrylýyn, habarlaý jáne bailanys júiesiniń daiyndyǵyn tekserdi.
Qysqy kezeńdegi yqtimal tótenshe jaǵdailardy joiý úshin qurylǵan avariialyq-qutqarý qyzmetiniń qurylymy men qural-saimandarynyń esebi de anyqtaldy. Energiia, gaz, jylý, aýyz sýmen qamtamasyz etý júieleriniń jáne kólik qatnastarynyń jumys isteýge daiyndyǵy, táýelsiz energiiamen qamtamasyz etý kózderiniń, materialdyq-tehnikalyq, azyq-túlik, meditsinalyq jáne basqa da qorlardyń shamasy belgili boldy.
Oqý-jattyǵý barysynda avariialyq-qutqarý qyzmeti jáne basqa da kezek kúttirmeitin jumystardy júrgizýde shuǵyl basqarý algoritmderi jasaldy. Halyqty shuǵyl habarlandyrý úshin aýdandyq ortalyqtandyrylǵan habarlaý júieleri, daýys kúsheitkish quraldary, teledidar jáne basqa da BAQ arqyly taratý tártibi qaraldy.
Tótenshe jaǵdailar aimaǵynda jáne avtokólik kommýnikatsiialarynda adam ólimine jol bermeý boiynsha qurylymdardyń is-áreketteri, apat aimaǵynan adamdardy izdeý, olardy ýaqytsha ornalastyrý aimaqtaryna kóshirý, zardap shekkenderge birinshi dárigerlik jáne meditsinalyq kómek kórsetý siiaqty máseleler de oqý-jattyǵý barysynda pysyqtaldy.
Maqtaaral aýdany ákiminiń baspasóz qyzmeti
