ازاماتتىق قورعاۋ مەملەكەتتىك جۇيەسىن ۇيىمداستىرۋدى جەتىلدىرۋ، سونداي-اق باسقارۋ ورگاندارىن، كۇشتەر مەن قۇرالداردى دايارلاۋ ماقساتىندا وتكەن جيىنعا اۋدان اكىمىنىڭ ورىنباسارى، وقۋ-جاتتىعۋدىڭ باسشىسى بەيسەنباي تورەبەكوۆ قاتىسىپ، اۋداندىق ازاماتتىق قورعانىس جانە توتەنشە جاعدايلار جونىندەگى قىزمەتتەردىڭ دايىندىعىن قاراپ شىقتى.
ەڭ الدىمەن ب.تورەبەكوۆ قىس كەزىندەگى توتەنشە جاعدايلاردى جويۋ جونىندەگى ىس-ارەكەتتەر، اتاپ ايتقاندا كوشىرۋ ءىس-شارالارىن، ىشكى ىستەر ورگاندارىمەن ءوزارا ارەكەتتەسۋ جوسپارلارىن ناقتىلادى. سونداي-اق، بارلىق دەڭگەيدەگى اۆاريالىق-قۇتقارۋ، ديسپەچەرلىك جانە بولجاۋ قىزمەتتەرىنىڭ جۇمىسىن، جەدەل كەزەكشىلىك پەن باسقارۋىنىڭ ۇيىمداستىرىلۋىن، حابارلاۋ جانە بايلانىس جۇيەسىنىڭ دايىندىعىن تەكسەردى.
قىسقى كەزەڭدەگى ىقتيمال توتەنشە جاعدايلاردى جويۋ ءۇشىن قۇرىلعان اۆاريالىق-قۇتقارۋ قىزمەتىنىڭ قۇرىلىمى مەن قۇرال-سايماندارىنىڭ ەسەبى دە انىقتالدى. ەنەرگيا، گاز، جىلۋ، اۋىز سۋمەن قامتاماسىز ەتۋ جۇيەلەرىنىڭ جانە كولىك قاتناستارىنىڭ جۇمىس ىستەۋگە دايىندىعى، تاۋەلسىز ەنەرگيامەن قامتاماسىز ەتۋ كوزدەرىنىڭ، ماتەريالدىق-تەحنيكالىق، ازىق-تۇلىك، مەديسينالىق جانە باسقا دا قورلاردىڭ شاماسى بەلگىلى بولدى.
وقۋ-جاتتىعۋ بارىسىندا اۆاريالىق-قۇتقارۋ قىزمەتى جانە باسقا دا كەزەك كۇتتىرمەيتىن جۇمىستاردى جۇرگىزۋدە شۇعىل باسقارۋ الگوريتمدەرى جاسالدى. حالىقتى شۇعىل حابارلاندىرۋ ءۇشىن اۋداندىق ورتالىقتاندىرىلعان حابارلاۋ جۇيەلەرى، داۋىس كۇشەيتكىش قۇرالدارى، تەلەديدار جانە باسقا دا ب ا ق ارقىلى تاراتۋ ءتارتىبى قارالدى.
توتەنشە جاعدايلار ايماعىندا جانە اۆتوكولىك كوممۋنيكاسيالارىندا ادام ولىمىنە جول بەرمەۋ بويىنشا قۇرىلىمداردىڭ ىس-ارەكەتتەرى، اپات ايماعىنان ادامداردى ىزدەۋ، ولاردى ۋاقىتشا ورنالاستىرۋ ايماقتارىنا كوشىرۋ، زارداپ شەككەندەرگە ءبىرىنشى دارىگەرلىك جانە مەديسينالىق كومەك كورسەتۋ سياقتى ماسەلەلەر دە وقۋ-جاتتىعۋ بارىسىندا پىسىقتالدى.
ماقتاارال اۋدانى اكىمىنىڭ باسپا ءسوز قىزمەتى
