Jobany júzege asyrý maqsatynda tartylǵan investitsiianyń jalpy quny 300 mln. teńgeni quraidy. Kásiporyn gretsiialyq «Soldatos» JShS-gi men «Túrkistan» ÁKK» AQ-nyń filialy — «TURKISTAN INVEST» investitsiialyq kompaniiasynyń birlesip atqarǵan jumystary nátijesinde iske qosyldy.
Zaýyt Maqtaaral aýdanyndaǵy indýstrialdyq aimaqtyń 3 gektar jer aýmaǵynda salynǵan. Ónim Qazaqstan boiynsha satylatyn bolady. Jobanyń josparlanǵan jyldyq qýattylyǵy — 20 myń tonna. Óndiris basynda 30 adam turaqty túrde jumys isteidi.
Budan buryn asfalt-beton óndirý jobasynyń investory gretsiialyq NIOVI S.A kompaniiasy quryltaishysy bolyp keletin «Soldatos» JShS-niń bas direktory A.Shyntaevty oblys ákimi J.Túimebaev arnaiy qabyldap aldaǵy jumysyna sáttilik tilegen edi.
«Aimaq - Orta Aziia, Taiaý Shyǵys pen Eýropa elderin bailanystyratyn joldardyń qiylysynda ornalasqandyqtan bizde shekaralyq saýda-sattyq pen eksporttyq óndiris damyp keledi. Sondai-aq, oblysta 11 indýstriialdy aimaq pen jeńil ónerkásip baǵytyndaǵy bir arnaiy ekonomikalyq aimaq bar. Oblysta investitsiia tartý jáne investorlarǵa bir tereze qaǵidasy boiynsha qyzmet kórsetetin aimaqtyq damý institýttary jumys jasaidy. Institýttar kásipkerlerge keńes beredi jáne qarjylyq pen infraqurylymdyq kómek kórsetedi», - degen edi óz sózinde óńir basshysy.
Óz kezeginde sóz alǵan kompaniia basshysy buǵan deiin aýdanda mobildi asfalt zaýytyn iske qosyp, Qyzylqum aýyldyq okrýginde ornalasqan inspektorlyq joldarǵa asfalt berip kelgenin jetkizgen.
Sonymen birge ol ekinshi jelisin keler jyldyń jaz aiynda aiaqtaýdy josparlap otyrǵanyn atap ótken.
«Soldatos» JShS-niń investorlary Maqtaaral aýdanyndaǵy jobadan bólek, Saryaǵashta saǵatyna 150 tonna, al Túrkistan qalasynda saǵatyna 200 tonna asfalt-beton shyǵaratyn zaýyt salýdy josparlap otyr.
Jalpy aita keteiik, aldaǵy ýaqyttary aýdanda syrtqy investitsiiadan bólek, ishki investitsiianyń esebinen óńdeý zaýyty, gigienalyq zattar men polietilen shyǵaratyn óndiris zaýyttarynyń jobalary da júzege aspaq. 38 gektar jerdi alyp jatqan aýdannyń indýstriialdy aimaǵynda jumys istep turǵan «Bereke» maqta zaýytynan basqa, munda keler jyly 4 joba iske asyrylady dep josparlanýda
