Jeke aldyna aýdan bolyp bólinip shyqqan Maqtaaral aýdanynyń búginde aýyl sharýashylyǵyn damytýdyń mańyzy zor. Jergilikti bılik oryndary aýdan kólemendegi aýyl sharýashylyǵy salasyn 5 baǵytqa bólip, qyzý jumys istep jatyr.

Birinshi – aýyl sharýashylyǵy salasyndaǵy taýar óndirýshilerdi qoljetimdi nesıemen qamtamasyz etý. Ekinshi – aýyl sharýashylyǵy kooperatıvteri men mashına-traktor stansasy júıesin jetildirý, aýyl sharýashylyǵy ónimderiniń eksporttyq áleýetin arttyrý. Úshinshi – sýarmaly jerlerdiń kólemin ulǵaıtý, sý júıeleriniń sý ótkizgishtik qabiletin jaqsartý. Onyń ishinde damý bankteriniń qarjylary men jeke ınvestorlardy paıdalanyp, ırrıgasıalyq júıelerdi qaıta qura otyryp, sýarmaly alqaptardy aǵyn sýmen qamtamasyz etý kózdelýde. Tórtinshi – aýdanda aýyl sharýashylyǵy kooperatıvterin quryp, modýldi sút qabyldaý beketterin, mal bordaqylaý alańdaryn ashý. Besinshi – aldaǵy jyldary aýyl sharýashylyǵy taýarlaryn sharýalardan arzan baǵada satyp alyp, saqtaý úshin qoıma salý ári aýyl sharýashylyǵy ónimderin ózge aýdandar men oblystarǵa tasymaldaý arqyly saýdalaý.