جەكە الدىنا اۋدان بولىپ ءبولىنىپ شىققان ماقتاارال اۋدانىنىڭ بۇگىندە اۋىل شارۋاشىلىعىن دامىتۋدىڭ ماڭىزى زور. جەرگىلىكتى بيلىك ورىندارى اۋدان كولەمەندەگى اۋىل شارۋاشىلىعى سالاسىن 5 باعىتقا ءبولىپ، قىزۋ جۇمىس ىستەپ جاتىر.

ءبىرىنشى – اۋىل شارۋاشىلىعى سالاسىنداعى تاۋار وندىرۋشىلەردى قولجەتىمدى نەسيەمەن قامتاماسىز ەتۋ. ەكىنشى – اۋىل شارۋاشىلىعى كووپەراتيۆتەرى مەن ماشينا-تراكتور ستانساسى جۇيەسىن جەتىلدىرۋ، اۋىل شارۋاشىلىعى ونىمدەرىنىڭ ەكسپورتتىق الەۋەتىن ارتتىرۋ. ءۇشىنشى – سۋارمالى جەرلەردىڭ كولەمىن ۇلعايتۋ، سۋ جۇيەلەرىنىڭ سۋ وتكىزگىشتىك قابىلەتىن جاقسارتۋ. ونىڭ ىشىندە دامۋ بانكتەرىنىڭ قارجىلارى مەن جەكە ينۆەستورلاردى پايدالانىپ، يرريگاسيالىق جۇيەلەردى قايتا قۇرا وتىرىپ، سۋارمالى القاپتاردى اعىن سۋمەن قامتاماسىز ەتۋ كوزدەلۋدە. ءتورتىنشى – اۋداندا اۋىل شارۋاشىلىعى كووپەراتيۆتەرىن قۇرىپ، ءمودۋلدى ءسۇت قابىلداۋ بەكەتتەرىن، مال بورداقىلاۋ الاڭدارىن اشۋ. بەسىنشى – الداعى جىلدارى اۋىل شارۋاشىلىعى تاۋارلارىن شارۋالاردان ارزان باعادا ساتىپ الىپ، ساقتاۋ ءۇشىن قويما سالۋ ءارى اۋىل شارۋاشىلىعى ونىمدەرىن وزگە اۋداندار مەن وبلىستارعا تاسىمالداۋ ارقىلى ساۋدالاۋ.