– Qurmetti jastar! Sizderdi eń uly merekemiz – Respýblıkamyzdyń Táýelsizdigi kúnimen quttyqtaımyn. Biz jeriniń asty baılyqqa, jeriniń ústi parasatty halyqqa toly Qazaq eliniń Táýelsizdiginiń 27 jyldyǵyn zor qýanyshpen qarsy alyp otyrmyz. Ár qaısyńyz óz ómir joldaryn tapqan bilikti maman, úlgili otbasy, aýdanymyzdyń maqtanyshysyzdar. Osyndaı aıtýly mereke qarsańynda egemen elimizdiń ıgiligi jolyndaǵy isterińizge mol tabys, januıalaryńyzǵa bereke-birlik, denderińizge saýlyq tileımin. Kıeli Maqtaaral aýdanynyń damýyna osylaısha óz úlesterińizdi qosyp júre berińizder! – dedi izgi tilegin arnaǵan Baqyt Násirhanuly.
Kezdesýge memlekettik qyzmet, prokýratýra, ishki ister, kásipkerlik, densaýlyq, bilim, aqparat, óner, sport salasynda qyzmet etip júrgen eń belsendi jastar qatysty. Olar óz salalaryn damytýǵa baǵyttalǵan oılaryn ashyq aıtyp, keıbir keleli máselelerdi sheshýge arnalǵan usynystaryn aýdan basshysyna jetkizdi.
Kezdesý keshinde aýdan ákimi B.Asanov jastardy alǵys hatpen marapattap, arnaıy daıyndalǵan syılyqtaryn tabystady. Sondaı-aq, aýdan jastaryn táýelsizdigimizdi nyǵaıtýǵa shaqyrý úshin Úndeý jarıalanyp, belsendi jastar tarapynan qoldaý tapty.
Maqtaaral aýdany ákiminiń baspasóz qyzmeti
