Búgin Májilistegi otyrysta depýtat Maqsat Tolyqbai Ǵylym jáne joǵary bilim ministri Saiasat Nurbekke jáne Ádilet ministrliginiń ókiline endaýment-qorlardy qurýǵa qatysty mańyzdy saýal qoidy. Depýtat qor quryltaishylarynyń adaldyǵyna kúmán týdyrmaý qajettigin alǵa tartyp, buryn sybailas jemqorlyq, aýyr nemese asa aýyr qylmys úshin sottalǵan tulǵalarǵa shekteý engizý máselesin kóterdi, dep habarlaidy Dalanews.kz.
“Saiasat Nurbek myrza, óz sózińizde endaýment-qor — bul qoǵamdyq senimge negizdelgen qaiyrymdylyq quraly dep aittyńyz. Endi bir moraldyq etikalyq turǵydan alǵanda osyndai qorlardyń quryltaishylarynyń adaldyǵy, qoǵam aldyndaǵy bedeli zor mańyzǵa ie bolýy kerek sekildi kórinedi. Osy turǵydan kelgende sizdiń pozitsiiańyz qalai? Sonda buryn jemqorlyq, aýyr qylmys jasaǵandarǵa eshqandai shekteýler bolmai ma? Kez kelgeni fond qura bere me?“ — dedi Maqsat Tolyqbai.
Saiasat Nurbek endaýment-qorlardyń quryltaishylary men qamqorshylyq keńesine tek taza azamattar kirýi kerek ekenin atap ótti.
“Bul másele buǵan deiin de usynylǵan, biz ony qazir qarap, tiisti túzetýler engizemiz. Bizdiń ustanymymyz osy baǵytta”, — dep jaýap berdi ministr.
Keiin sóz alǵan Ádilet ministriniń orynbasary Laýra Qanatqyzy qoldanystaǵy zańnamada mundai qor quryltaishylaryna naqty shekteýler qarastyrylmaǵanyn aitty. Alaida bul másele aldaǵy ýaqytta Konstitýtsiia talaptary men Konstitýtsiialyq sottyń quqyqtyq pozitsiialaryn eskere otyryp, talqylanýy múmkin ekenin jetkizdi.
“Siz aitqan másele óte mańyzdy. Sondyqtan nysanaly kapital quryltaishysyna shekteý qoiý múmkindigin qarastyratyn bolamyz”, — dedi vitse-ministr.
Osylaisha, qoǵam tarapynan jii synǵa ushyraityn endaýment-qorlar máselesi endi Parlament deńgeiinde qaita qaralyp, zańnamalyq turǵyda naqtylaýǵa baǵyt alýy múmkin.
