Mańǵystaý oblysy ákiminiń birinshi orynbasary Erbol Izbergenov bastaǵan delegatsiia Túrkiianyń tanymal kinorejisseri Mehmet Bozdaqpen kezdesip, óńirde kinoindýstriiany damytý múmkindikterin talqylady,- dep habarlaidy Dalanews.kz
Kinosúier qaýymǵa keńinen tanymal Mehmet Bozdaq – tarihi janrdaǵy aýqymdy jobalarymen belgili rejisser, prodiýser ári stsenarist. Onyń shyǵarmashylyǵyndaǵy eń iri týyndylardyń biri – túrki áleminiń ortaq mádeni murasy sanalǵan «Ertuǵyryl» telehikaiasy.
Kezdesý barysynda Mańǵystaý óńiriniń tarihi-mádeni áleýeti sóz boldy. Delegatsiia quramyndaǵy el aǵasy Alqajan Edilhan óńirdegi tarihi-mádeni oryndar men kóne eskertkishterdiń mańyzyn atap ótip, bul jerlerde túsiriletin filmder qazaq kinoóndirisine ǵana emes, túrki álemine ortaq tarihi týyndylarǵa tyń serpin beretinin jetkizdi.
Sapar aiasynda qazaqstandyq delegatsiia rejisserdyń «Bozdaq film» atty kino túsirý keshenimen tanysty.
Taraptar bolashaqta kinojobalar aiasynda áriptestik ornatý múmkindigin qarastyrdy. Basqosý nátijesinde prodiýser Mehmet Bozdaq jaqyn aralyqta Mańǵystaý ólkesimen tanysýǵa baratynyn aitty.
