Mańǵystaýlyq dárigerler men stýdentter Túrkiiada tegin taǵylymdamadan ótip, biliktiligin arttyrady,- dep habarlaidy Dalanews.kz
Mańǵystaý oblysynyń ákimi Nurdáýlet Qilybaidyń tapsyrmasyna sáikes Stambul qalasyna barǵan Mańǵystaý oblysy ákiminiń orynbasary Abbat Órisbaev birqatar kelisimge qol jetkizdi.
Atap aitsaq, 100 mańǵystaýlyq stýdent Túrkiianyń Antaliia jáne Marmaris qalalarynda týrizm salasy boiynsha tegin taǵylymdamadan ótedi. Sonymen qatar, 50-ge jýyq dáriger Medicana Health Group klinikasynda kásibi biliktiligin jetildiredi.
Mańǵystaý oblystyq Bilim basqarmasy men Túrkiianyń «Kýrorttyq Aimaq» týristik qyzmet saýdasy AQ arasynda jasalǵan memorandým aimaqtaǵy týrizm jáne servis salasyna bilikti mamandar daiarlaýdy kózdeidi. Osy kelisim aiasynda maýsym aiynan bastap Marmaris qalasyndaǵy Woxx Hotels Group 50 stýdentti oqytyp, tájiribe almasýǵa múmkindik beredi. Taǵy 50 stýdent Antaliiada kásibi bilimin jetildiredi. Barlyq taǵylymdamashylar tegin tamaqpen qamtamasyz etilip, olarǵa ailyq tólenedi.
Sondai-aq, oblys ákiminiń orynbasary Medicana Health Group basqarma múshesi Berk Bozkýrtpen kelissózder júrgizip, áriptestik ornatý týraly kelisimge keldi. Bul kelisim aiasynda 20 onkolog jáne oblystyń ár meditsinalyq uiymynan 30-ǵa jýyq dáriger túrli meditsinalyq baǵyttar boiynsha tájiribe jinaqtaidy.
Medicana Health Group – Túrkiianyń jetekshi meditsinalyq uiymdarynyń biri. Quramyna 14 aýrýhana, 11 meditsinalyq ortalyq jáne 500-den astam emhana kiredi. Jyl saiyn 10 millionnan astam naýqasqa qyzmet kórsetetin bul top joǵary tehnologiialyq emdeý ádisterin usynatyn meditsinalyq týrizm salasynyń kóshbasshysy retinde tanymal.
