Búgin Mańǵystaý oblysynyń ákimi Nurdáýlet Qilybaidyń tóraǵalyǵymen Memleket basshysy Qasym-Jomart Toqaevtyń «Jasandy intellekt dáýirindegi Qazaqstan: ózekti máseleler jáne ony túbegeili tsifrlyq ózgerister arqyly sheshý» atty Qazaqstan halqyna Joldaýynda aitylǵan bastamalardy talqylaýǵa arnalǵan oblys aktiviniń keńeitilgen otyrysy ótti.
Joldaýda el ekonomikasyn damytýdyń jeti negizgi baǵyty aiqyndaldy. Atap aitqanda, investitsiia tartý, óńdeý ónerkásibin jandandyrý, aýyl sharýashylyǵyn jańa deńgeige kóterý, kólik-logistika salasyn jetildirý, adami kapitaldy kúsheitý, tsifrlyq damý qarqynyn arttyrý, turǵyn úi-kommýnaldyq sharýashylyǵy men sý infraqurylymyn jańǵyrtý, sondai-aq Kaspii teńizin qutqarý máseleleri qamtylǵan.
Aimaq basshysy osy basymdyqtar aiasynda óńirde atqarylyp jatqan jáne aldaǵy jumystarǵa nazar aýdardy.
Mańǵystaý oblysynda investitsiia tartý, biznes-ortany jáne investitsiialyq ahýaldy jaqsartý boiynsha belsendi sharalar júrgizilýde. Nátijesinde aldaǵy ýaqytta iri qytailyq kompaniialarmen jasalǵan kelisimder aiasynda kólik jáne logistika, mashina jasaý, tsifrlandyrý jáne balyq sharýashylyǵy salalarynda investitsiialyq jobalar iske asyrylmaq.
Ákim Joldaýda atap ótilgen kólik-logistika salasyn damytýǵa qatysty jobalarǵa da toqtaldy. Búginde Memleket basshysynyń qoldaýymen Aqtaý portynda konteinerlik habtyń birinshi kezeńi iske qosyldy. Al 2028 jylǵa qarai qýaty 11 mln tonna bolatyn «Sarja» teńiz terminaly paidalanýǵa berilmek. Budan bólek Aqtaý halyqaralyq áýejaiynda quny 1 mlrd AQSh dollaryn quraityn logistikalyq jáne aviatsiialyq habtyń qurylysy bastalady.
Sonymen qatar óńir basshysy týrizm salasynyń Joldaýdaǵy basym baǵyttardyń biri ekenin atap ótti. Osyǵan orai, 2025-2029 jyldary jalpy quny 193 mlrd teńgeni quraityn 19 joba júzege asyrylady. Bul qosymsha jańa jumys oryndaryn ashýǵa múmkindik beredi. Bozjyra, Sherqala, Airaqty, Kendirli jáne Jyly jaǵajai týristik aimaqtarynda ekologiialyq jáne jaǵajai týrizmin damytýǵa basymdyq berilýde.
Oblys ákimi Joldaýda belgilengen mindetterdi tiimdi oryndaý úshin máslihat, atqarýshy bilik jáne azamattyq qoǵam arasyndaǵy úilesimdi jumystyń mańyzdylyǵyn atap ótti.
– Memleket basshysy Joldaýda el damýynyń jańa basymdyqtaryn aiqyndap berdi. Mańǵystaý oblysy kólik-logistika salasynda memlekettiń ekonomikasy úshin erekshe mańyzǵa ie. Memleket basshysy óz Joldaýynda osy salanyń mańyzdylyǵyn atap, damytý boiynsha birqatar tapsyrma berdi. Sonymen qatar Beineý men Sekseýil arasyndaǵy avtojol qurylysyn aiaqtaý tapsyryldy. Atalǵan baǵyt arqyly júk tasymalyn ońtailandyrýǵa jáne Almaty – Beineý – Sekseýil kólik jelisin damytýǵa múmkindik týady. Jobanyń basty maqsaty – elimizdiń ońtústik jáne batys óńirleri arasyndaǵy bailanysty nyǵaitý, ekonomikalyq integratsiiany qoldaý. Óńir áleýetin tiimdi paidalaný – bizdiń basty mindetimiz. Qazir maqsatymyz – halyqpen birge osy bastamalardy júzege asyryp, aimaqtyń turaqty damýyna qol jetkizý, – dedi Nurdáýlet Qilybai.
Mańǵystaý oblysy ákiminiń baspasóz qyzmeti
