Mańǵystaý oblysynda ortalyq aýrýhana qaitarylǵan aktivter esebinen jańǵyrtylýda, dep habarlaidy Dalanews.kz.
Beineý aýdanynda kópsalaly ortalyq aýdandyq aýrýhananyń ǵimaratynda aýqymdy kúrdeli jóndeý jobasy bastaldy. Meditsinalyq uiym 170-ten astam tósek-orynǵa eseptelgen jáne jyl saiyn 320 myńnan astam naýqasty qabyldaidy.
Joba prokýratýra organdary qabyldaǵan sharalardyń nátijesinde memleketke qaitarylǵan aktivter esebinen júzege asyrylýda.
Búgingi kúni aýdandyq aýrýhana halyqtyń shuǵyl jáne mamandandyrylǵan meditsinalyq kómekke degen qajettiligin tolyq kólemde qamtamasyz ete almai otyr, sonyń saldarynan naýqastar iri qalalarǵa júginýge májbúr.
2025 jyldyń 1 qańtaryndaǵy halyq sanaǵy boiynsha aýdanda 68 myńnan astam adam turady.
Aýdan turǵyndary úshin der kezinde jáne sapaly meditsinalyq kómekke qol jetkizý erekshe mańyzdy. Halyq sanynyń ósýin jáne aýdannyń qarqyndy damýyn eskere otyryp, mekemeni jańǵyrtý týraly sheshim qabyldandy.
Joba aiasynda ǵimarattarǵa kúrdeli jóndeý júrgizý jáne qaita jańartý, jańa qurylystar salý, mamandandyrylǵan bólimsheler ashý, sondai-aq zamanaýi meditsinalyq jabdyqtarmen qamtamasyz etý kózdelgen: kompiýterlik jáne magnittik-rezonanstyq tomograftar, angiograftar, eksperttik deńgeidegi ÝDZ apparattary, reanimatsiia jáne operatsiialyq bloktarǵa arnalǵan qural-jabdyqtar.
Jańartylǵan aýrýhanada insýlttik jáne kardiologiialyq ortalyqtar, meditsinalyq ońaltý, travmatologiia jáne ortopediia bólimderi, sondai-aq basqa da mamandandyrylǵan qyzmetter ashylady, qabyldaý bólimi triaj júiesimen jabdyqtalady.
Bul jobany júzege asyrý aýdannyń jáne kórshiles eldi mekenderdiń turǵyndaryn zamanaýi deńgeidegi qoljetimdi jáne sapaly meditsinalyq kómekpen qamtamasyz etýge múmkindik beredi.
