ماڭعىستاۋ وبلىسىندا ورتالىق اۋرۋحانا قايتارىلعان اكتيۆتەر ەسەبٸنەن جاڭعىرتىلۋدا, دەپ حابارلايدى Dalanews.kz.
بەينەۋ اۋدانىندا كٶپسالالى ورتالىق اۋداندىق اۋرۋحانانىڭ عيماراتىندا اۋقىمدى كٷردەلٸ جٶندەۋ جوباسى باستالدى. مەديتسينالىق ۇيىم 170-تەن استام تٶسەك-ورىنعا ەسەپتەلگەن جەنە جىل سايىن 320 مىڭنان استام ناۋقاستى قابىلدايدى.
جوبا پروكۋراتۋرا ورگاندارى قابىلداعان شارالاردىڭ نەتيجەسٸندە مەملەكەتكە قايتارىلعان اكتيۆتەر ەسەبٸنەن جٷزەگە اسىرىلۋدا.
بٷگٸنگٸ كٷنٸ اۋداندىق اۋرۋحانا حالىقتىڭ شۇعىل جەنە مامانداندىرىلعان مەديتسينالىق كٶمەككە دەگەن قاجەتتٸلٸگٸن تولىق كٶلەمدە قامتاماسىز ەتە الماي وتىر, سونىڭ سالدارىنان ناۋقاستار ٸرٸ قالالارعا جٷگٸنۋگە مەجبٷر.
2025 جىلدىڭ 1 قاڭتارىنداعى حالىق ساناعى بويىنشا اۋداندا 68 مىڭنان استام ادام تۇرادى.
اۋدان تۇرعىندارى ٷشٸن دەر كەزٸندە جەنە ساپالى مەديتسينالىق كٶمەككە قول جەتكٸزۋ ەرەكشە ماڭىزدى. حالىق سانىنىڭ ٶسۋٸن جەنە اۋداننىڭ قارقىندى دامۋىن ەسكەرە وتىرىپ, مەكەمەنٸ جاڭعىرتۋ تۋرالى شەشٸم قابىلداندى.
جوبا اياسىندا عيماراتتارعا كٷردەلٸ جٶندەۋ جٷرگٸزۋ جەنە قايتا جاڭارتۋ, جاڭا قۇرىلىستار سالۋ, مامانداندىرىلعان بٶلٸمشەلەر اشۋ, سونداي-اق زاماناۋي مەديتسينالىق جابدىقتارمەن قامتاماسىز ەتۋ كٶزدەلگەن: كومپيۋتەرلٸك جەنە ماگنيتتٸك-رەزونانستىق توموگرافتار, انگيوگرافتار, ەكسپەرتتٸك دەڭگەيدەگٸ ۋدز اپپاراتتارى, رەانيماتسييا جەنە وپەراتسييالىق بلوكتارعا ارنالعان قۇرال-جابدىقتار.
جاڭارتىلعان اۋرۋحانادا ينسۋلتتٸك جەنە كارديولوگييالىق ورتالىقتار, مەديتسينالىق وڭالتۋ, تراۆماتولوگييا جەنە ورتوپەدييا بٶلٸمدەرٸ, سونداي-اق باسقا دا مامانداندىرىلعان قىزمەتتەر اشىلادى, قابىلداۋ بٶلٸمٸ ترياج جٷيەسٸمەن جابدىقتالادى.
بۇل جوبانى جٷزەگە اسىرۋ اۋداننىڭ جەنە كٶرشٸلەس ەلدٸ مەكەندەردٸڭ تۇرعىندارىن زاماناۋي دەڭگەيدەگٸ قولجەتٸمدٸ جەنە ساپالى مەديتسينالىق كٶمەكپەن قامتاماسىز ەتۋگە مٷمكٸندٸك بەرەدٸ.
