Mańǵystaý oblysynyń prokýratýrasy munai-gaz salasyndaǵy qazaqstandyq iri kásiporyn qyzmetkerlerine qatysty sotqa deiingi tergeýdi bastady. Bul týraly oblystyq Prokýratýra habarlady.
«Oil Transport Korporeishn» JShS laýazymdy tulǵalary biýdjet qarajaty esebinen 700 mln teńgeden astam somaǵa merdiger kompaniianyń shyǵystaryn negizsiz ótegeni anyqtaldy. Odan bólek, merdigerlerge tasymal qyzmetterin is júzinde jasamasa da, 2,2 mlrd teńge aýdarylǵan. 10 shilde kúni osy zań buzýshylyqtarǵa qatysty Qylmystyq kodekstiń 189-babynyń 4-tarmaǵy (asa iri mólsherde urlaý) boiynsha sotqa deiingi tergeý bastaldy. Sonymen birge 22 shildede «QazMunaiGaz» UK» AQ enshiles uiymynyń 11 mln teńge urlaý faktisi boiynsha sotqa deiingi tergeý bastalǵan. «Oil Transport Korporeishn» JShS burynǵy basshysy «T» esimdi azamat 23 shildede ustaldy.
Qylmystyq kodekstiń 189-baby boiynsha buǵan deiin bastalǵan sotqa deiingi tergeýler boiynsha qarajat jymqyrý faktileri boiynsha «Oil Transport Korporeishn» JShS Óndiristik-tehnikalyq bóliminiń bastyǵy, merdigerlik uiymdardyń 2 ókili de ustaldy. Tekseris bastalǵaly sotqa deiingi 19 tergeý bastalǵan. Qazir olardy Mańǵystaý oblysynyń ekonomikalyq tergeý departamenti qarap jatyr. Biýdjet qarajatyn jymqyrý jáne ysyrap etý faktileri boiynsha — 8 adam, onyń ishinde tórteýi «Qazmunaigaz» UK» AQ enshiles kompaniialarynyń 4 laýazymdy qyzmette bolǵan. Budan ózge derekter tergeýge bailanysty ázirge jariialanbaidy.
