ماڭعىستاۋ وبلىسىنىڭ پروكۋراتۋراسى مۇناي-گاز سالاسىنداعى قازاقستاندىق ءىرى كاسىپورىن قىزمەتكەرلەرىنە قاتىستى سوتقا دەيىنگى تەرگەۋدى باستادى. بۇل تۋرالى وبلىستىق پروكۋراتۋرا حابارلادى.
«ويل ترانسپورت كورپورەيشن» ج ش س لاۋازىمدى تۇلعالارى بيۋدجەت قاراجاتى ەسەبىنەن 700 ملن تەڭگەدەن استام سوماعا مەردىگەر كومپانيانىڭ شىعىستارىن نەگىزسىز وتەگەنى انىقتالدى. ودان بولەك، مەردىگەرلەرگە تاسىمال قىزمەتتەرىن ءىس جۇزىندە جاساماسا دا، 2،2 ملرد تەڭگە اۋدارىلعان. 10 شىلدە كۇنى وسى زاڭ بۇزۋشىلىقتارعا قاتىستى قىلمىستىق كودەكستىڭ 189-بابىنىڭ 4-تارماعى (اسا ءىرى مولشەردە ۇرلاۋ) بويىنشا سوتقا دەيىنگى تەرگەۋ باستالدى. سونىمەن بىرگە 22 شىلدەدە «قازمۇنايگاز» ۇك» اق ەنشىلەس ۇيىمىنىڭ 11 ملن تەڭگە ۇرلاۋ فاكتىسى بويىنشا سوتقا دەيىنگى تەرگەۋ باستالعان. «ويل ترانسپورت كورپورەيشن» ج ش س بۇرىنعى باسشىسى «ت» ەسىمدى ازامات 23 شىلدەدە ۇستالدى.
قىلمىستىق كودەكستىڭ 189-بابى بويىنشا بۇعان دەيىن باستالعان سوتقا دەيىنگى تەرگەۋلەر بويىنشا قاراجات جىمقىرۋ فاكتىلەرى بويىنشا «ويل ترانسپورت كورپورەيشن» ج ش س وندىرىستىك-تەحنيكالىق ءبولىمىنىڭ باستىعى، مەردىگەرلىك ۇيىمداردىڭ 2 وكىلى دە ۇستالدى. تەكسەرىس باستالعالى سوتقا دەيىنگى 19 تەرگەۋ باستالعان. ءقازىر ولاردى ماڭعىستاۋ وبلىسىنىڭ ەكونوميكالىق تەرگەۋ دەپارتامەنتى قاراپ جاتىر. بيۋدجەت قاراجاتىن جىمقىرۋ جانە ىسىراپ ەتۋ فاكتىلەرى بويىنشا — 8 ادام، ونىڭ ىشىندە تورتەۋى «قازمۇنايگاز» ۇك» اق ەنشىلەس كومپانيالارىنىڭ 4 لاۋازىمدى قىزمەتتە بولعان. بۇدان وزگە دەرەكتەر تەرگەۋگە بايلانىستى ازىرگە جاريالانبايدى.
