Mańǵystaý oblystyq Densaýlyq saqtaý basqarmasynyń málimetinshe, vaktsina alatyn adamdardyń tizimi jasalyp, vaktsinalaý úshin emhanalarda arnaiy egý bólmeleri daiyndalǵan.
– Búgin pedagogtarǵa ekpe salyp bastap kettik. Ustazdar qaýymy ekpein óz erik-qalaýlarymen alyp jatyr. Aldymen dárigerdiń tekserýinen ótip, jaǵdailaryn anyqtaǵannan keiin ekpege ruqsat beriledi. Sodan soń, egý kabinetine baryp, vaktsina alady. Ekpe alǵandar arnaiy tynyǵý bólmesinde 30 minýttai bolady. Ol jerde arnaiy mamandar keńes berip, baqylaidy. Qazirgi ýaqytta 11 adam vaktsina aldy. Keri áseri bolǵan joq. Jaǵdailary jaqsy, – dedi «Neiron» emhanasynyń bas dárigeri Nina Samalikova.
Mamandardyń aitýynsha, búgin vaktsina alǵandar 21 kúnnen soń ekinshi komponentin ala bastaidy. Iaǵni, árbir ekpe alatyn qyzmetkerge SMS habarlama kelip túsedi.
– Búgin mine ekpe alýǵa emhanaǵa kelip otyrmyn. Meditsina mamandary óz qyzmetterin jasap, kútip aldy. Aldymen tirkegennen soń, egý kabinetine jiberdi. Egý bólmesinde bizdiń kózimizshe ampýladan dárilerdi alyp, ýkol saldy. Qazir mine, tynyǵý bólmesine kelip otyrmyz. 20 minýttai boldy. Eshteńe sezinip otyrǵan joqpyn. Qalypty jaǵdai. Budan qorqýdyń esh qajetti joq. Árbir sanaly azamat óziniń bolashaǵy úshin, ainalasyndaǵy jandardyń amandyǵy úshin ekepe alý kerek dep oilaimyn, – dedi Aqtaý qalasyndaǵy 8-mekteptiń himiia pániniń muǵalimi Gúlshat Ýalieva.
