Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual

Mańǵystaýda kásibin jańa bastaǵan turǵyndar 1%-dyq jyldyq ústememen jeńildetilgen nesie ala alady

Dalanews
Mańǵystaýda kásibin jańa bastaǵan turǵyndar 1%-dyq jyldyq ústememen jeńildetilgen nesie ala alady
Biyl Mańǵystaý oblysynda shaǵyn jáne orta biznesti damytý maqsatynda «Mangystau business» baǵdarlamasyn iske asyrý josparlanǵan. Onyń aiasynda óz isin jańa bastaǵan jeke kásipkerler jyldyq 1%-ben 50 mln teńgege deiin nesie ala alady. Óńir basshysy Nurlan Noǵaev biznes týrizm salasyna den qoiýy kerek ekenin atap ótti. Sebebi óńirdiń týristik tartymdylyǵyn arttyrý oblystaǵy áleýmettik-ekonomikalyq damýdyń basym baǵyttarynyń biri, – dep habarlaidy Dalanews.kz Mańǵystaý oblysy ákiminiń baspasóz qyzmetine silteme jasap.

Qazaqstannyń ekonomikalyq saiasaty shaǵyn jáne orta biznesti damytýǵa baǵyttalǵan. Ishki naryqty otandyq taýarlar men qyzmettermen qanyqtyrýǵa erekshe nazar aýdarylady. Mańǵystaýda shaǵyn jáne orta biznesti qoldaý boiynsha birneshe sharalar paketi iske asyrylýda. Mysaly, 2023 jyly kásipkerlikti damytý jónindegi ulttyq joba aiasynda jańa biznes-ideialardy iske asyrý úshin 250 mln teńge bólingen.

Bul ótken jylmen salystyrǵanda 12 ese kóp.

Budan bólek, oblysta shaǵyn jáne orta biznesti damytý maqsatynda biyl «Mangystau business» óńirlik baǵdarlamasyn iske asyrý josparlanǵan. Onyń aiasynda isin jańadan bastaǵan kásipkerler jyldyq ústememen 1% jeńildikpen nesie ala alady. Nesie merzimi-60 ai. Óńirlik baǵdarlamany iske asyrý sheńberinde 50 jańa jobany qoldaý kórsetilip, 100-den astam jumys ornyn qurý josparlanýda.

– Biz munai salasynda jumysqa ornalasý bárine múmkin emes ekenin birneshe ret ashyq aittyq. Sondyqtan memleket turǵyndar óz kásibimen ainalysyp, óz isin ashýy úshin naqty sharalardy usynady. Ol úshin memleket esebinen kez-kelgen adam tegin bilim alyp, biznes-jospar jasaqtai alady. Kásipkerlikti damytý úshin jyldyq 2,5% jeńildetilgen nesie túrindegi qoldaý sharasyn paidalanýǵa múmkindigi bar.

Sondai-aq, biyl biz «Mangystau business» aimaqtyq baǵdarlamasyn iske qosamyz. Bul baǵdarlama kez-kelgen bastaýshy kásipkerge úlken múmkindik. Jasqa bailanysty shekteý bolmaidy. Turǵyndarǵa arnalǵan taǵy bir múmkindik: ol grant, ony ielený úshin arnaiy komissiia aldynda ázirlengen biznes-josparyńyzdy qorǵaisyz. Ótken jyly shaǵyn jáne orta biznes  sýbektileriniń sany 36,7%-ǵa ósti. Budan shyǵatyn qorytyndy, óńir ekonomikasyndaǵy kásipkerlik salanyń úlesi jyl ótken saiyn artyp keledi, – dedi Nurlan Noǵaev.


 

2022 jyly 3 273 shaǵyn jáne orta biznes jobasy memlekettik qoldaý tetikterin paidalanǵan. Onyń ishinde:

- kásipkerlikti damytýdyń ulttyq jobasy aiasynda 46 mlrd. teńge somasyna 3 106 jobaǵa qoldaý kórsetilgen. Nátijesinde 274 jańa jumys orny qurylyp, 520 jumys orny saqtalǵan;

- Jumyspen qamtý jol kartasy aiasynda 1 mlrd. teńgege 167 jobaǵa qoldaý kórsetilgen.

Óńir basshysy óz biznesin damytqysy keletinder ishki týrizmge nazar aýdarýy kerek ekenin atap ótti.

– Shaǵyn jáne orta biznes týristik indýstriianyń damýyna zor úles qosady. Shaǵyn qonaq úiler men kafelerdiń ieleri, ekskýrsovodtar, ulttyq kádesyilar men jergilikti azyq-túlik óndirýshileri týristiń sapardan qandai áser alatynyna yqpal etedi. Men óńirimizdiń ár aýylynda qolónermen ainalysatyn, kiiz óńdep, ulttyq stildegi qolóner buiymdaryn jasaityn adamdar bar ekenine birneshe ret nazar aýdardym. Nege osyndai erekshe dúnielerimizdi, jergilikti týrizmdi sapaly jańa deńgeige shyǵarmasqa, - dep atap ótti oblys ákimi.

Óńir basshysynyń aitýynsha, týrizm Qazaqstan úshin salystyrmaly túrde jańa sala. Degenmen, Mańǵystaý oblysy kóptegen kieli oryndar men tarihi-mádeni eskertkishteri, óziniń geografiialyq ornalasýyna bailanysty týrizm salasynda úlken áleýetke ie.

Óńirdiń týristik salasyn damytýdyń mańyzy jyl saiyn artyp keledi. Muny saladaǵy oń dinamikadan da kórýge bolady. 2022 jyly bul salada kórsetilgen qyzmetter kólemi 11,5 mlrd teńgeni qurap, 1,6 esege ósken.


Jyl basynan beri aimaqqa shetelden jáne elimizdiń basqa óńirlerinen 310 myńnan astam týrist kelgen. Bul ótken jyldyń sáikes kezeńimen salystyrǵanda 6%-ǵa artyq. Jyl basynan beri 6 reis iske qosylǵan. Olar: Aqtaý-London, Aqtaý-mineraldy sýlar, Aqtaý-Ekaterinbýrg, Aqtaý-Sankt-Peterbýrg, Aqtaý-Ýfa, Aqtaý-Sochi baǵyttary.

Kýrorttyq aimaqty damytý sheńberinde 2022 jyly jergilikti investorlar 4 jobany iske asyrǵan. Nátijesinde 1,1 mlrd. teńgeden astam investitsiia tartýmen 80-nen astam jańa jumys orny qurylǵan.

Jalpy óńirde týrizm salasynda 2023-2025 jyldar aralyǵynda somasy 100 mlrd.teńgege 14 investitsiialyq jobany iske asyrý josparlanǵan.

– Osy jobalardyń barlyǵy óńir ekonomikasynyń damýyna oń mýltiplikativti serpin beredi. Týristik sala qazirgi Qazaqstan ekonomikasynyń jetekshi salalarynyń birine ainalýy múmkin. Statistikalyq derekterge qaraityn bolsaq, tabys kólemi boiynsha týrizm álemdik ekonomikanyń jetekshi salalary arasynda úshinshi oryndy ielendi, – dep qorytyndylady Nurlan Noǵaev.
biznes Mańǵystaý týrizm Nurlan Noǵaev Aqtaý Kásipkerlik Mangystau business qonaq úiler ekskýrsovodtar ulttyq kádesyilar Madina Sádýaqasova

Oqi otyryńyz