Beiimbet Mailin eskertkishiniń ústine shyǵyp videoǵa túsken qyzǵa 216 250 teńge aiyppul salyndy, dep habarlaidy dalanews.kz.
Astanada 18 jastaǵy qyz eskertkishke shyǵyp video túsirgeni úshin jaýapqa tartyldy. Oǵan Ákimshilik quqyq buzýshylyq týraly kodekstiń «Usaq buzaqylyq» babynyń 4-bóligi boiynsha aiyp taǵyldy.
Politsiia ókilderi mádeni nysandar men tarihi muralarǵa uqyptylyqpen qarap, qoǵamdyq oryndardaǵy tártipti saqtaýǵa shaqyrdy.
Videony jýrnalist Dúisenáli Álimaqyn túsirip, áleýmettik jelige jariialaǵan. Onyń aitýynsha, oqiǵa kýágeri retinde qyzdarǵa jaqyndap, monýmentte kimder beinelengenin suraǵan. Alaida olar bir-birine ań-tań bolyp qarap, naqty jaýap bere almaǵan.
— Uialǵan da joq, keshirim de suramady, — deidi jýrnalist.
Jazbadan keiin áleýmettik jeli qoldanýshylary qyzdyń áreketin synǵa alyp, qyzý pikirtalas bastaldy.
Keiin politsiia tártip buzýshynyń jeke basyn anyqtap, 18 jastaǵy qyzdy bólimshege jetkizgen. Oǵan qatysty usaq buzaqylyq faktisi boiynsha ákimshilik shara qoldanylyp, materialdar sotqa joldandy.
