Mańǵystaýda juma namazdy meshitte oqýǵa ruqsat berildi
– Koronavirýs infektsiiasynyń paida bolýy men taralýyn boldyrmaý jónindegi vedomstvoaralyq komissiiasynyń 24 aqpandaǵy sheshimine sáikes 1-naýryzynan bastap epidemiologiialyq jaǵdaidyń «jasyl aimaǵynda» 7 kún boiy ornalasqan óńirlerde bir adamǵa 4 sharshy metr esebimen tolymdylyǵy 30%-ǵa deiin juma namazyn ótkizýge ruqsat berildi, – dedi Maqsatbek Mahanbetov.
Degenmen bul bosańsýǵa bolamaidy. Juma namazyn óteý úshin meshitke kelýshilerge qoiylatyn ózindik talaptary bar. Atap aitsaq meshitke mindetti túrde betperde taǵyp kirý, meshit kireberisinde arnaiy antiseptik zattardy paidalaný, dáretti barynsha úiden alyp kelý, meshit ishinde belgili araqashyqtyqty saqtaý, bir-birimen qol alyspaý, namaz oqyǵanda araqashyqtyq 1,5 metrden jaqyn bolmaý, namazdy arnaiy belgilengen orynda oqý, meshit ishinde uzaq ýaqyt qalmaý, dene qyzýy 37 gradýstan joǵary, sondai-aq tumaý jáne basqa da aýrý belgileri bar adamdardyń meshitke kelmeýi kerek.
Óz kezeginde Mańǵystaý oblystyq Beket ata meshitiniń bas imamy Ánýar Eljanov: «Jasy 65-ten asqan qariialardyń, balalar men áiel kisilerdiń meshitke kelmegeni durys» dep oiyn ashyp aitty.
