– كوروناۆيرۋس ينفەكسياسىنىڭ پايدا بولۋى مەن تارالۋىن بولدىرماۋ جونىندەگى ۆەدومستۆوارالىق كوميسسياسىنىڭ 24 اقپانداعى شەشىمىنە سايكەس 1-ناۋرىزىنان باستاپ ەپيدەميولوگيالىق جاعدايدىڭ «جاسىل ايماعىندا» 7 كۇن بويى ورنالاسقان وڭىرلەردە ءبىر ادامعا 4 شارشى مەتر ەسەبىمەن تولىمدىلىعى 30%-عا دەيىن جۇما نامازىن وتكىزۋگە رۇقسات بەرىلدى، – دەدى ماقساتبەك ماحانبەتوۆ.
دەگەنمەن بۇل بوساڭسۋعا بولامايدى. جۇما نامازىن وتەۋ ءۇشىن مەشىتكە كەلۋشىلەرگە قويىلاتىن وزىندىك تالاپتارى بار. اتاپ ايتساق مەشىتكە مىندەتتى تۇردە بەتپەردە تاعىپ كىرۋ، مەشىت كىرەبەرىسىندە ارنايى انتيسەپتيك زاتتاردى پايدالانۋ، دارەتتى بارىنشا ۇيدەن الىپ كەلۋ، مەشىت ىشىندە بەلگىلى اراقاشىقتىقتى ساقتاۋ، بىر-بىرىمەن قول الىسپاۋ، ناماز وقىعاندا اراقاشىقتىق 1،5 مەتردەن جاقىن بولماۋ، نامازدى ارنايى بەلگىلەنگەن ورىندا وقۋ، مەشىت ىشىندە ۇزاق ۋاقىت قالماۋ، دەنە قىزۋى 37 گرادۋستان جوعارى، سونداي-اق تۇماۋ جانە باسقا دا اۋرۋ بەلگىلەرى بار ادامداردىڭ مەشىتكە كەلمەۋى كەرەك.
ءوز كەزەگىندە ماڭعىستاۋ وبلىستىق بەكەت اتا مەشىتىنىڭ باس يمامى ءانۋار ەلجانوۆ: «جاسى 65-تەن اسقان قاريالاردىڭ، بالالار مەن ايەل كىسىلەردىڭ مەشىتكە كەلمەگەنى دۇرىس» دەپ ويىن اشىپ ايتتى.
