Jıynda Mańǵystaý oblystyq jer qatynastary basqarmasynyń basshysy Esemurat Dúzmaǵambetov ıgerilmeı jatqan jerlerdi memleket menshigine qaıtarý, jer qoınaýyn tıimdi paıdalaný, jeke turǵyn úı salý úshin kezekte turǵan turǵyndar, sondaı-aq jaıylymdyq jerlerdi anyqtaý máselelerine toqtaldy.
Búgingi tańda oblystaǵy jalpy jer kólemi 16 mıllıon 564 myń gektardy quraıdy. Onyń 12 mıllıon 639 myń gektary jaıylymdyq jerler. Sońǵy eki jylda ıgerilmeı jatqan aýyl sharýashylyǵy maqsatyndaǵy jalpy kólemi 2 mıllıon 406 myń 441 gektar jer memleket menshigine qaıtaryldy.
Qazaqstan Respýblıkasynyń jer qatynastary salsyndaǵy zańdaryna, memlekt basshysynyń tapsyrmalaryna sáıkes ıgerilmeı jatqan jerlerdi memleket menshigine qaıtaryp, qaıtadan aınalymǵa engizý talaby bar. Osy baǵytta 2021 jyly sharýalarǵa 145 myń 74 gektar jer berildi.
– Qazaqstan Respýblıkasynyń Prezıdenti Qasym-Jomart Toqaev paıdalanylmaı jatqan aýyl sharýashylyǵy jerlerin qaıtarý jumystaryn kúsheıtý qajettigin birneshe ret atap ótti. Barlyq ýákiletti organdar bul máseleni turaqty baqylaýda ustaýy kerek. Aýyl sharýashylyǵy maqsatyndaǵy bos jerlerdi tıimdi paıdalaný mehanızmin engizý mańyzdy. Talaptar barlyǵyna birdeı. Jer qatynastaryna qatysty máseleler tek qoldanystaǵy zańnama aıasynda sheshilýi tıis, – dedi Nurlan Noǵaev.
Aıta ketý kerek, búgingi tańda oblysta paıdaly qazbalarǵa baı ken oryndaryn ıgerý maqsatynda 258 kelisimshart tirkelgen.
Jıyn qorytyndysy boıynsha oblys ákimi jaýapty tulǵalarǵa birqatar naqty tapsyrmalar berdi.
