Mańǵystaý oblysynda apiyn jetkizý arnasy joiyldy, dep habarlaidy Dalanews.kz.
Uzaq ýaqyt júrgizilgen jedel izdestirý sharalary nátijesinde Mańǵystaý oblysynda apiyn tobyna jatatyn esirtkini jetkizýmen ainalysqan, jergilikti tórt turǵynnan quralǵan qylmystyq toptyń zańsyz qyzmeti toqtatyldy.
Figýranttardyń turǵylyqty mekenjailary boiynsha júrgizilgen tintý is-sharalary barysynda 1,3 keli apiyn jáne iri kólemdegi aqsha tárkilendi.
Sarapshylardyń baǵalaýynsha, aýǵan tekti apiyn - osy óńir úshin sirek kezdesetin esirtki túri.
"Qazir bul derek boiynsha Qylmystyq zańnamanyń 297-babynyń 3-bóligine sáikes sotqa deiingi tergep-tekserý bastaldy. Bul baptyń sanktsiiasy 12 jylǵa deiin bas bostandyǵynan aiyrý jazasyn kózdeidi. Barlyq kúdikti ýaqytsha ustaý izoliatoryna qamaldy", - dedi IIM ókili.
