Mańǵystaý oblysynyń ákimi Nurdáýlet Qilybaidyń tóraǵalyǵymen ótken apparattyq keńeste jolaýshylar kóligi jáne avtomobil joldary basqarmasynyń basshysy Adaibek Qaliev 2024 jyly atqarylǵan jumystardyń qorytyndysy men aldaǵy josparlar jóninde baiandama jasady,- dep habarlaidy Dalanews.kz
Adaibek Qalievtiń aitýynsha, óńirde «Mańǵystaý» jáne «Beineý» temirjol vokzalyn rekonstrýktsiialaý jobasy júzege asyrylmaq. Josparǵa sáikes, qurylys-montaj jumystary biyl bastalady.
Sonymen qatar, «Qazaqstan temir joly» ulttyq kompaniiasynyń 2025-2026 jyldarǵa arnalǵan keshendi damý baǵdarlamasyna «Mańǵystaý-Beineý» jáne «Mańǵystaý-Ózen» temirjol ýchaskelerin damytý boiynsha birqatar is-sharalar engizildi. Búginde oblystaǵy temirjol jelileriniń ótkizý qabileti tómen. Atap aitqanda, «Mańǵystaý-Beineý» ýchaskesinde táýligine 12-14 poiyz ǵana ótedi, al qajettilik 20-22 poiyzdy quraidy.
Keshendi jospar aiasynda oblystyń temirjol infraqurylymyn jańǵyrtý jumystary 2026 jyldyń sońyna deiin aiaqtalady.
Sondai-aq, byltyr jergilikti mańyzdaǵy 2 avto jol qaita jańǵyrtylyp, 4 jolǵa ortasha jóndeý jumystary júrgizildi.
Oblys ákimi Nurdáýlet Qilybai basqarma basshysy Adaibek Qalievke qurylys merzimi uzaqqa sozylǵan birqatar joldy tezirek aiaqtap, turǵyndardyń igiligine berýdi tapsyrdy.
Atap aitqanda, aýdandyq mańyzdaǵy «Shetpe-Qyzan» avtojolynyń 49-85 shaqyrym jáne 85-110 shaqyrym ýchaskesiniń rekonstrýktsiiasy, «Jyńǵyldy – Shaiyr – Sherqala mekeni» avtomobil jolyn rekonstrýktsiialaý jáne Aqtaý qalasyndaǵy «Shyǵys-2, 3» shaǵynaýdandaryndaǵy avtomobil jolyn salý jobalary.
Adaibek Qaliev atalǵan jobalardy jyl sońyna deiin aiaqtaýǵa jumystanatynyn málimdedi.
