«Máńgilik el – mártebeli til» onkúndigi sheńberindegi is-shara
Aitýly onkúndik – (2022 j. 07 – 17 aqpan aralyǵynda) jeke tulǵany jan-jaqty tárbieleý, úzdik ádis-tásilder men jańa tehnologiialardy oqytý úrderisinde qoldaný arqyly oqýshylardyń bilim sapasyn, muǵalimderdiń kásibi sheberligin, biliktiligin arttyrý maqsatynda josparlanyp ótýde.
Aijan Ydyrysqyzy jáne litsei direktorynyń oqý isi jónindegi orynbasary Dáýletbaeva Gúlnafis Abatovna, «Úzdik pedagog», ardager ustaz Baitýbekova Lázzat jáne litseidiń gýmanitarlyq baǵyttaǵy pán muǵalimderi qazaq tili men qazaq ádebieti muǵalimi Aýelbekova Aiman Aitjanqyzynyń 7-synyp oqýshylarymen ótkizgen «M.Áýezovtyń «Kókserek» áńgimesi» taqyrybyndaǵy sabaǵyna qatysyp, keri bailanys aldy.
Aiman Aýelbekova sabaq júrgizgen synypta 32 oqýshy bar. Pedagogtiń ashyq sabaǵynda oqýshylar shyǵarmadaǵy qarama-qarsy sýretteýlerdi taýyp, salystyryp taldaý daǵdylaryn damytyp, ózindik oi qorytyndylaýǵa yntalandy. Sabaq barysynda oqýshylar kino men shyǵarmadaǵy aiyrmashylyqtar men uqsastyqtardy tabý arqyly maqsatty jáne qandai bilim baǵalanatynyn túsindi. Balalar birlesip jumys jasaýǵa úirengenin toptyq árekette shyǵarmadaǵy qarama-qarsy sýretteýlerdi salystyryp taldaý jumysynda kórsete aldy.
Munda muǵalimniń nusqaýymen barlyq oqýshy shyǵarmadaǵy qarama-qarsy sýretteýlerge salystyrý jasai otyryp, deskriptor negizinde birin-biri oqytýǵa talpyndy. Búkil synyp bolyp «Pikirler syzyǵy» pikirtalas alań jattyǵýynda «Kináli Kókserek pe, adamdar ma?» degen suraqqa negizdeme jasap, ózindik pikirlerin alǵa tartyp, sabaqty túsingenderin jáne tereń oilanýǵa yntalanǵandaryn kórsetti.
Sabaq sońynda, «Órleýdiń» aǵa oqytýshysy, trener Aijan Ydyrysqyzy sabaqtyń joǵary deńgeide ótkendigin baiandap, muǵalimniń kásibi sheberligin atap ótti. Litsei ákimshiligi de óz kezeginde kásibi keńes berip, tájiribesimen bólisetin «Órleý» ortalyǵyna, is-sharaǵa arnaiy qatysýǵa kelgen Pedagogterdiń biliktiligin arttyrý institýtynyń qyzmetkerleri Aijan Ydyrysqyzyna, Aibek Serikulyna erekshe alǵys bildirdi.
«Órleý» Almaty
