ايتۋلى ونكۇندىك – (2022 ج. 07 – 17 اقپان ارالىعىندا) جەكە تۇلعانى جان-جاقتى تاربيەلەۋ، ۇزدىك ادىس-تاسىلدەر مەن جاڭا تەحنولوگيالاردى وقىتۋ ۇردەرىسىندە قولدانۋ ارقىلى وقۋشىلاردىڭ ءبىلىم ساپاسىن، مۇعالىمدەردىڭ كاسىبي شەبەرلىگىن، بىلىكتىلىگىن ارتتىرۋ ماقساتىندا جوسپارلانىپ وتۋدە.
ايجان ىدىرىس قىزى جانە ليسەي ديرەكتورىنىڭ وقۋ ءىسى جونىندەگى ورىنباسارى داۋلەتبايەۆا گۇلنافيس اباتوۆنا، «ۇزدىك پەداگوگ»، ارداگەر ۇستاز بايتۋبەكوۆا ءلاززات جانە ليسەيدىڭ گۋمانيتارلىق باعىتتاعى ءپان مۇعالىمدەرى قازاق ءتىلى مەن قازاق ادەبيەتى ءمۇعالىمى اۋەلبەكوۆا ايمان ايتجان قىزىنىڭ 7-سىنىپ وقۋشىلارىمەن وتكىزگەن «م.اۋەزوۆتىڭ «كوكسەرەك» اڭگىمەسى» تاقىرىبىنداعى ساباعىنا قاتىسىپ، كەرى بايلانىس الدى.
ايمان اۋەلبەكوۆا ساباق جۇرگىزگەن سىنىپتا 32 وقۋشى بار. پەداگوگتىڭ اشىق ساباعىندا وقۋشىلار شىعارماداعى قاراما-قارسى سۋرەتتەۋلەردى تاۋىپ، سالىستىرىپ تالداۋ داعدىلارىن دامىتىپ، وزىندىك وي قورىتىندىلاۋعا ىنتالاندى. ساباق بارىسىندا وقۋشىلار كينو مەن شىعارماداعى ايىرماشىلىقتار مەن ۇقساستىقتاردى تابۋ ارقىلى ماقساتتى جانە قانداي ءبىلىم باعالاناتىنىن ءتۇسىندى. بالالار بىرلەسىپ جۇمىس جاساۋعا ۇيرەنگەنىن توپتىق ارەكەتتە شىعارماداعى قاراما-قارسى سۋرەتتەۋلەردى سالىستىرىپ تالداۋ جۇمىسىندا كورسەتە الدى.
مۇندا ءمۇعالىمنىڭ نۇسقاۋىمەن بارلىق وقۋشى شىعارماداعى قاراما-قارسى سۋرەتتەۋلەرگە سالىستىرۋ جاساي وتىرىپ، دەسكريپتور نەگىزىندە ءبىرىن-بىرى وقىتۋعا تالپىندى. بۇكىل سىنىپ بولىپ «پىكىرلەر سىزىعى» پىكىرتالاس الاڭ جاتتىعۋىندا «كىنالى كوكسەرەك پە، ادامدار ما؟» دەگەن سۇراققا نەگىزدەمە جاساپ، وزىندىك پىكىرلەرىن العا تارتىپ، ساباقتى تۇسىنگەندەرىن جانە تەرەڭ ويلانۋعا ىنتالانعاندارىن كورسەتتى.
ساباق سوڭىندا، «ورلەۋدىڭ» اعا وقىتۋشىسى، ترەنەر ايجان ىدىرىس قىزى ساباقتىڭ جوعارى دەڭگەيدە وتكەندىگىن بايانداپ، ءمۇعالىمنىڭ كاسىبي شەبەرلىگىن اتاپ ءوتتى. ليسەي اكىمشىلىگى دە ءوز كەزەگىندە كاسىبي كەڭەس بەرىپ، تاجىريبەسىمەن بولىسەتىن «ورلەۋ» ورتالىعىنا، ءىس-شاراعا ارنايى قاتىسۋعا كەلگەن پەداگوگتەردىڭ بىلىكتىلىگىن ارتتىرۋ ينستيتۋتىنىڭ قىزمەتكەرلەرى ايجان ىدىرىسقىزىنا، ايبەك سەرىكۇلىنا ەرەكشە العىس ءبىلدىردى.
«ورلەۋ» الماتى
