Prezident óndirýshiden bastap, azyq-túlik baǵasyn bir ortalyqtan basqarý qajet ekenin málimdedi.
"Qazir bul jumysqa birneshe vedomstvo jaýap beredi. Baǵa kezekti ret óskennen keiin olar muqiiat taldaý júrgizip, tiimdi sharalar qabyldaýdyń ornyna bir-birine silteidi.
Bul iste tártip ornatatyn kez keldi. Jaýapkershilik aimaǵyn bólip, negizgi bir organdy aiqyndaý qajet.
Qalǵan vedomstvolardyń ózara is-qimyl reglamentin anyqtap jazý kerek", - dedi Toqaev jyl saiynǵy joldaýynda.
Memleket basshysy úkimetke bul máseleni sheshýge bir ai ýaqyt berdi.
Sondai-aq Toqaev elde infliatsiia baqylaýdan shyqqanyn aitty. Prezident infliatsiia dálizin 4-6% deńgeiine qaitarýdy tapsyrdy.
...
Prezident azyq-túlik baǵasyn tómendetý máselesine buǵan deiin de birneshe márte toqtalǵan. Osydan eki ai buryn Básekelestikti qorǵaý jáne damytý agenttiginiń tóraǵasy Serik Jumanǵarindi qabyldaǵan Toqaev
azyq-túlikti arzandatý boiynsha júieli sharalar qabyldaýdy tapsyrǵan.
Ótken aida ǵana Mámin úkimetiniń áleýmettik mańyzy bar azyq-túlik baǵasyn ustap turý jumysyn synǵa alǵan.
"Qazirgi áleýmettik mańyzy bar azyq-túlik taýarlarynyń baǵasyn ustap turý quraldary tiimsiz bolyp otyr. Jergilikti biýdjetten saýda jelilerine azyq-túlik taýarlaryn arzanǵa satý úshin 30 mlrd teńgeden astam is júzinde tegin qaryz bólindi. Qazirgi jaǵdaida bul sheshim jaman emes. Alaida, bul sharanyń naryqqa áseri 1-4% aralyǵynda ǵana", - degen edi Prezident Úkimettiń keńeitilgen otyrysynda.
Memleket basshysy turaqtandyrý qorlarynda da osyndai jaǵdai ekenin jáne naryqtaǵy turaqtandyrý qorlary ónimderiniń úlesi 4%-dan aspaitynyn jetkizgen.
"Fermerlerde óz ónimderin saqtai otyryp, forvardtyq satyp alý quraly da jetkilikti iske qosylmaǵan. Ákimder ortalyqqa bas shulǵyp otyrmaýy kerek, óńirler úshin jaýapkershilik óz qoldaryńyzda, sondyqtan Úkimetke «Atameken» UKP-men birlesip, qoldanystaǵy quraldardyń tiimdiligin baǵalaýdy jáne neǵurlym tiimdi sharalar paketin usynýdy tapsyramyn", - degen bolatyn Toqaev.
https://dalanews.kz/news/67334-shymkentte-zhanga-oqu-zhylynda-20-zhanga-mekte
