پرەزيدەنت وندىرۋشىدەن باستاپ، ازىق-تۇلىك باعاسىن ءبىر ورتالىقتان باسقارۋ قاجەت ەكەنىن مالىمدەدى.
"ءقازىر بۇل جۇمىسقا بىرنەشە ۆەدومستۆو جاۋاپ بەرەدى. باعا كەزەكتى رەت وسكەننەن كەيىن ولار مۇقيات تالداۋ جۇرگىزىپ، ءتيىمدى شارالار قابىلداۋدىڭ ورنىنا بىر-بىرىنە سىلتەيدى.
بۇل ىستە ءتارتىپ ورناتاتىن كەز كەلدى. جاۋاپكەرشىلىك ايماعىن ءبولىپ، نەگىزگى ءبىر ورگاندى ايقىنداۋ قاجەت.
قالعان ۆەدومستۆولاردىڭ ءوزارا ءىس-قيمىل رەگلامەنتىن انىقتاپ جازۋ كەرەك"، - دەدى توقايەۆ جىل سايىنعى جولداۋىندا.
مەملەكەت باسشىسى ۇكىمەتكە بۇل ماسەلەنى شەشۋگە ءبىر اي ۋاقىت بەردى.
سونداي-اق توقايەۆ ەلدە ينفلياسيا باقىلاۋدان شىققانىن ايتتى. پرەزيدەنت ينفلياسيا ءدالىزىن 4-6% دەڭگەيىنە قايتارۋدى تاپسىردى.
...
پرەزيدەنت ازىق-تۇلىك باعاسىن تومەندەتۋ ماسەلەسىنە بۇعان دەيىن دە بىرنەشە مارتە توقتالعان. وسىدان ەكى اي بۇرىن باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى سەرىك ءجۇمانعاريندى قابىلداعان توقايەۆ
ازىق-تۇلىكتى ارزانداتۋ بويىنشا جۇيەلى شارالار قابىلداۋدى تاپسىرعان.
وتكەن ايدا عانا ءمامين ۇكىمەتىنىڭ الەۋمەتتىك ماڭىزى بار ازىق-تۇلىك باعاسىن ۇستاپ تۇرۋ جۇمىسىن سىنعا العان.
"قازىرگى الەۋمەتتىك ماڭىزى بار ازىق-تۇلىك تاۋارلارىنىڭ باعاسىن ۇستاپ تۇرۋ قۇرالدارى ءتيىمسىز بولىپ وتىر. جەرگىلىكتى بيۋدجەتتەن ساۋدا جەلىلەرىنە ازىق-تۇلىك تاۋارلارىن ارزانعا ساتۋ ءۇشىن 30 ملرد تەڭگەدەن استام ءىس جۇزىندە تەگىن قارىز ءبولىندى. قازىرگى جاعدايدا بۇل شەشىم جامان ەمەس. الايدا، بۇل شارانىڭ نارىققا اسەرى 1-4% ارالىعىندا عانا"، - دەگەن ەدى پرەزيدەنت ۇكىمەتتىڭ كەڭەيتىلگەن وتىرىسىندا.
مەملەكەت باسشىسى تۇراقتاندىرۋ قورلارىندا دا وسىنداي جاعداي ەكەنىن جانە نارىقتاعى تۇراقتاندىرۋ قورلارى ونىمدەرىنىڭ ۇلەسى 4%-دان اسپايتىنىن جەتكىزگەن.
"فەرمەرلەردە ءوز ونىمدەرىن ساقتاي وتىرىپ، فورۆاردتىق ساتىپ الۋ قۇرالى دا جەتكىلىكتى ىسكە قوسىلماعان. اكىمدەر ورتالىققا باس شۇلعىپ وتىرماۋى كەرەك، وڭىرلەر ءۇشىن جاۋاپكەرشىلىك ءوز قولدارىڭىزدا، سوندىقتان ۇكىمەتكە «اتامەكەن» ۇكپ-مەن بىرلەسىپ، قولدانىستاعى قۇرالداردىڭ تيىمدىلىگىن باعالاۋدى جانە نەعۇرلىم ءتيىمدى شارالار پاكەتىن ۇسىنۋدى تاپسىرامىن"، - دەگەن بولاتىن توقايەۆ.
https://dalanews.kz/news/67334-shymkentte-zhanga-oqu-zhylynda-20-zhanga-mekte
