Mámin Mańǵystaý oblysyndaǵy sharýalarǵa kómek kórsetýdi buiyrdy
Bul týraly Dalanews.kz primeminister.kz saityna silteme jasap habarlaidy.
Premer-Ministrge asa zardap shekken Mańǵystaý, Beineý, Qaraqiia aýdandaryn jem-shóppen qamtamasyz etý boiynsha atqarylyp jatqan jumystar týraly baiandaldy.
Aqtóbe, Batys Qazaqstan jáne Qostanai sekildi kórshiles oblystardan shóp jetkizý jáne ótkizý jumystary jolǵa qoiylǵan.
«Azyq-túlik kelisimshart korporatsiiasy» UK» AQ-men jasalǵan kelisimshart aiasynda 1200 tonnadan astam arpa ákelindi, olar fermerlerge naryqtyq baǵadan tómen baǵamen satyldy.
Sondai-aq óńirde mal basyn túgendeý boiynsha arnaiy komissiia jumys jasap jatyr. Fermerlik sharýashylyqtardy jem-shóppen qamtamasyz etý jónindegi máselelerdi jedel sheshý jáne monitoring jasaý jónindegi respýblikalyq shtabtyń qaraý qorytyndysy boiynsha QR Úkimeti Mańǵystaý oblysynda maldyń analyq basyna arnalǵan azyqqa jumsalǵan shyǵyndardy ishinara óteýge 1,9 mlrd teńge bóldi.
Premer-Ministrdiń tapsyrmasy boiynsha fermerlik sharýashylyqtarǵa qoljetimdi baǵamen kólemi 114,7 myń tonna daiyndalǵan shópti satyp alý jáne jetkizý úshin turaqtandyrý qoryn qalyptastyrýǵa, sondai-aq «Azyq-túlik kelisimshart korporatsiiasy» UK» AQ arqyly kólemi 56,3 myń tonna jem-shóp (kebek) satyp alýǵa qosymsha qajetti qarajat bólinetin bolady.
