ق ر پرەمەر-مينيسترى اسقار مامين جۇمىس ساپارىمەن ماڭعىستاۋ وبلىسىنا كەلدى، وندا وبلىس اكىمى س. ترۇموۆتىڭ وڭىردەگى مال شارۋاشىلىعى سالاسىندا قالىپتاسقان احۋال جانە قۇرعاقشىلىقتان زارداپ شەككەن اۋدانداردى جەم-شوپپەن قامتاماسىز ەتۋ جونىندەگى بايانداماسىن تىڭدادى.

بۇل تۋرالى Dalanews.kz primeminister.kz سايتىنا سىلتەمە جاساپ حابارلايدى.

پرەمەر-مينيسترگە اسا زارداپ شەككەن ماڭعىستاۋ، بەينەۋ، قاراقيا اۋداندارىن جەم-شوپپەن قامتاماسىز ەتۋ بويىنشا اتقارىلىپ جاتقان جۇمىستار تۋرالى باياندالدى.

اقتوبە، باتىس قازاقستان جانە قوستاناي سەكىلدى كورشىلەس وبلىستاردان ءشوپ جەتكىزۋ جانە وتكىزۋ جۇمىستارى جولعا قويىلعان.

«ازىق-تۇلىك كەلىسىمشارت كورپوراسياسى» ۇك» اق-مەن جاسالعان كەلىسىمشارت اياسىندا 1200 توننادان استام ارپا اكەلىندى، ولار فەرمەرلەرگە نارىقتىق باعادان تومەن باعامەن ساتىلدى.

سونداي-اق وڭىردە مال باسىن تۇگەندەۋ بويىنشا ارنايى كوميسسيا جۇمىس جاساپ جاتىر. فەرمەرلىك شارۋاشىلىقتاردى جەم-شوپپەن قامتاماسىز ەتۋ جونىندەگى ماسەلەلەردى جەدەل شەشۋ جانە مونيتورينگ جاساۋ جونىندەگى رەسپۋبليكالىق شتابتىڭ قاراۋ قورىتىندىسى بويىنشا ق ر ۇكىمەتى ماڭعىستاۋ وبلىسىندا مالدىڭ انالىق باسىنا ارنالعان ازىققا جۇمسالعان شىعىنداردى ءىشىنارا وتەۋگە 1،9 ملرد تەڭگە ءبولدى.

پرەمەر-مينيستردىڭ تاپسىرماسى بويىنشا فەرمەرلىك شارۋاشىلىقتارعا قولجەتىمدى باعامەن كولەمى 114،7 مىڭ توننا دايىندالعان ءشوپتى ساتىپ الۋ جانە جەتكىزۋ ءۇشىن تۇراقتاندىرۋ قورىن قالىپتاستىرۋعا، سونداي-اق «ازىق-تۇلىك كەلىسىمشارت كورپوراسياسى» ۇك» اق ارقىلى كولەمى 56،3 مىڭ توننا جەم-شوپ (كەبەك) ساتىپ الۋعا قوسىمشا قاجەتتى قاراجات بولىنەتىن بولادى.